麻辣仙宮 (已結業)

老爹好鐘意食魚，特別係酸菜魚。咁今日襯同老爹出開去，一於帶佢食好西。我地係大角咀附近搵到呢間~麻辣仙宮~。餐廳裝潢雅緻，好有中國風，坐得舒服。老爹好雀躍，所有餸都由佢全盤發板。原條酸菜魚，酸菜魚都食沙巴龍躉好招積，魚肉嫩滑彈牙，份量好多。酸菜魚啲配料都好好，特別係萵筍，新鮮爽口。叫左兩款牛肉餸飯，京蔥炒牛肉同川味回鍋牛肉，牛肉嫩唔會起筋，炒得好惹味。食埋個甜品先夠滿足，紅糖糍粑，煎得金金黄黄，外脆內軟糯，點少少黑糖夠哂香甜。老爹食得好開心好滿足。