蒙麵

營業中

休息中

餐廳得10個位左右，好逼，坐得唔太舒服，唔可以話好企理。晚上9點仲要排大約10分鐘隊，上菜好快，5分鐘左右。每個菜大約8-14蚊（最少3餸），合理價錢。但想要特色面或湯底，就要加十幾二十蚊，加加埋埋可以上60蚊嫁🙊。值唔值？有👍嘅滷水豆腐無滷水味，似普通煎軟豆腐。菜甫蛋角即叫即煎，好香口。蕃茄湯有大大隻🍅比你，因為加左薯仔，湯好濃郁！飲到唔停口，唔太鹹，小小酸，無茄膏的添加劑味道😋。試左朋友嘅蒙面，似係上海面結合薯粉嘅東西，但口感軟同淋。花甲湯到晚上已經賣哂，大多數客人都加$12要蕃茄湯底。下次有機會想試魷魚，見佢分碟濃汁另上好吸引甘。仲有韭菜餃，皮薄長形，似係自家製！😍整體黎講食物味道可以掋消環境嘅不足，價格合理，食物地道足料。