四寶食堂 (兆安廣場)

營業中

休息中

喺銅鑼灣行咗一陣街之後見係時候食晚飯就去咗附近呢間四寶食堂試下。以為只係普通茶記，點知原來佢有好多嘢食，有排又有燒春雞，唔知以為去咗西餐廳。 見咁開心就揀咗兩個set dinner， 我叫咗一個板燒美國頂級封門柳配牛油粟米同炒雜菌，一個百里香蒜香橄油燒春雞配炸薯條同薯仔沙律。老公話好想試佢個秘製麻辣撈公仔麵，見只係要加$15就叫嚟試吓。嘢飲方面我哋我哋兩個都叫咗凍奶茶。set dinner仲包埋餐湯佢嘅忌廉白湯好香好Creamy都幾好飲。封門柳軟嫩多汁完全將牛肉嘅Juicy鎖咗入去。佢嘅燒春雞雖然係烤過，但係啲肉一啲都唔嚡口，雞髀肉好滑。最驚喜係個秘製麻辣撈公仔麵，佢個醬汁應該係特製同個公仔麵好夾超好食。認真講咁嘅質素有咁多嘢食只係三百幾蚊真係性價比好高。