滾爺火鍋 (上海街)

營業中

休息中

雖然依排天氣都非常之熱，但係唔知點解成日行行吓街就會想打邊爐。今次去咗「滾爺火鍋」打邊爐，記得前一兩年已經同朋友仔食過，今次行街行到夜一夜，就去返上海街既依間「滾爺火鍋」食餐飽。一入到去睇落樓面唔大，但其實佢哋有兩層。同埋一入到去就見到有唔同既道具俾大家打下卡🤣太耐無食雞煲既關係，今次就叫左半隻雞既雞煲先，黎到雞煲用個好大既金色煲裝住，再見到啲醬汁同雞油滾起，成個畫面已經令人流哂口水，醬汁都非常香濃👍🏻今次配料方面自己就主力推介海鮮，因為要搵平靚正既海鮮打邊爐一啲都唔容易。桂花蚌係我今次既最愛。啲蚌夠爽口大件，又夠味，唔洗點醬都好好食。鮑魚當然平時已經好中意食之餘，依間既鮑魚都夠口感，鮑魚味都唔會淡🤩