孖寶去骨海南雞 (Go Go Mall)

營業中

休息中

今日食左孖寶海南雞飯嘅外賣，50蚊到有一個套餐連湯連飯。首先講下佢個海南雞飯，個薑黃雞飯係十分之乾身，啲飯係一粒粒，好有薑黃味。另外啲雞好滑，同埋佢今日比左雞脾肉我，啖啖肉好正好juicy,個雞都冇咩雪味，下面墊著D芽菜索哂啲雞汁，好好味。最後要重點講既係佢既木瓜雞腳湯，超濃超好味超甜，嗰啲雞腳好高骨膠原，食落好脆皮，木瓜亦都好甜，飲完會好滿足，最緊要係冇味精，飲完唔會口渴。呢個餐俾50蚊比得好開心。