影片
更多
2014-08-09
1319 瀏覽
因為同事升職去咗佐敦請食飯，食完之後唔係好夠飽，於是公主我提議去食糖水。同事醒起附近有間好出名嘅佳佳，佢嘅薑汁湯圓好正，於是我哋就行去食喇。行到門口見到爆多人排緊隊，心諗死梗啦要等幾耐啊？好彩間舖都算多位，等咗五分鐘左右就入到去。本來公主我係諗住食薑汁湯圓，點知見到有我至愛既合桃露，唔理咁多即刻要呢個！呢個合桃露真係堅正！比一般嘅糖水舖賣嘅合桃露杰，食得出真係自己磨，而唔係一般用水沖嘅即食合桃露。唔會稀lung lung，但又唔會食到一pat pat麵粉咁嘅嘢。食到佢有合桃蓉之餘，但又非常之滑，唔會嚡颯颯，絕對係誠意之作。如果硬係要雞蛋裏挑骨頭，只可以話合桃味唔夠香濃。因為公主我響大圍另一食肆食過佢地送嘅免費糖水，果間嘅合桃露絕對係超晒班，合桃嘅味道又香又濃又滑嘅合桃露，係我食過咁多間最好食嘅一間。所以佳佳只可以得第二啦！因為大家都想食湯圓，所以索性嗌咗一碗嚟share。湯圓比較細粒，可以一口一粒剛剛好。個湯圓皮好薄，最正係佢個餡係芝麻蓉，唔係嗰啲食到痴晒喉嚨嘅花生餡，好好味。如果佢係流沙芝麻餡就更加正。個薑汁亦都非常薑，辣到噴火啱晒公主我。另外同事食嘅燉蛋、紅豆涼粉、芝麻糊、腐竹白果
行到門口見到爆多人排緊隊，心諗死梗啦要等幾耐啊？好彩間舖都算多位，等咗五分鐘左右就入到去。
本來公主我係諗住食薑汁湯圓，點知見到有我至愛既合桃露，唔理咁多即刻要呢個！
呢個合桃露真係堅正！比一般嘅糖水舖賣嘅合桃露杰，食得出真係自己磨，而唔係一般用水沖嘅即食合桃露。唔會稀lung lung，但又唔會食到一pat pat麵粉咁嘅嘢。食到佢有合桃蓉之餘，但又非常之滑，唔會嚡颯颯，絕對係誠意之作。
如果硬係要雞蛋裏挑骨頭，只可以話合桃味唔夠香濃。因為公主我響大圍另一食肆食過佢地送嘅免費糖水，果間嘅合桃露絕對係超晒班，合桃嘅味道又香又濃又滑嘅合桃露，係我食過咁多間最好食嘅一間。所以佳佳只可以得第二啦！
因為大家都想食湯圓，所以索性嗌咗一碗嚟share。湯圓比較細粒，可以一口一粒剛剛好。個湯圓皮好薄，最正係佢個餡係芝麻蓉，唔係嗰啲食到痴晒喉嚨嘅花生餡，好好味。如果佢係流沙芝麻餡就更加正。個薑汁亦都非常薑，辣到噴火啱晒公主我。
另外同事食嘅燉蛋、紅豆涼粉、芝麻糊、腐竹白果都非常好味。（不過公主我都無影到相）以佢嘅價錢嚟講絕對抵食，值得推介。
到我哋走嗰陣，成十一點幾都仲有人入嚟食，真係誇張。
張貼
