Fun Fun 串串鍋 (已結業)

呢日黎到旺角呢間fun fun 串串鍋，一入到黎已經聞到好香既邊爐味！我地揀左要鴛鴦鍋，要左麻辣少少辣同埋胡椒豬肚雞鍋，估唔到佢個麻辣鍋咁勁，個麻辣鍋叫左少少辣都真係有D辣，但辣得黎好過癮，黎食呢D串串都真係一定要食辣鍋，唔食辣鍋真係唔得！另外，佢既胡椒豬肚雞鍋都真係夠哂胡椒味，勁辣口勁正！佢既醬係去出面調，但其實D鍋既味道都好夠，唔駛落醬都夠味，丸、蔬菜類既食物一早係出面既雪櫃等緊我地，一串串咁串好哂，食落勁方便，有D例如係牛同鴨血之類就自己填紙仔，填紙仔既食物都黎得好快，唔駛驚話食唔切，同埋都真係落幾多黎幾多～我最中意係鴨血加落麻辣鍋，而出面既食物有雞腎等等～食落味道好好！仲有好多飲品既選擇，好中意有無糖茶既選項，咁就唔驚飲完有氣既野會飽到食唔落野～最後仲有唔少既甜品可以揀，梗係食埋雪糕先走啦～大滿足！