更多
2020-07-04
1312 瀏覽
朋友幫我揀咗依間日式餐廳補祝生日飯我以前未嚟過呢間餐廳，都幾期待吓晚飯時間，所以門口有7~8個人排緊隊，我地就攞飛先，都等咗25分鐘先有位，餓到肚都扁，門面充滿咗日式風格有好多支長竹立咗喺度，好有大自然嘅feel一入到去坐低，侍應俾咗個二人座位我哋 店內 環境優雅，燈光明亮， 坐落去有一種好舒服嘅感覺，超relax而且我哋坐嘅位置，剛剛好可以遠眺到窗外面嘅夜景，望到荃新天地四隻字我哋睇咗一陣餐牌，最後我決定食魚生飯定食朋友就食銀雪魚西京燒定食我另開嗌咗一杯～巨峰提子梳打飲品唔好睇碗魚生飯好似好少份量咁，其實只係佢個碗好鬼大個啫，份量絕對係剛剛好夠一個人食有突㗎！一上枱...真係嚇親我哋兩個，一齊講左句「嘩」佢個碗真係大到好巨型唔係誇張，心諗～有冇必要拎個咁巨大嘅碗裝飯一邊食啲生薑，一邊食淋咗豉油&wasabi嘅魚生飯，真係食指大動勁開胃碗飯有幾款刺身，三文魚、帶子、甜蝦， 吞拿魚等等， 雖然食落感覺又未話去到真係好新鮮咁，甜蛋亦未夠甜，不過勝在夠大塊，整體嚟講碗飯都合格嘅～定食入邊仲有茶碗蒸& 麵豉湯，反而麵豉湯我覺得幾好飲，如果湯入面再多一啲豆腐就好喇不過茶碗蒸我就有啲失望，食落好
我以前未嚟過呢間餐廳，都幾期待吓
晚飯時間，所以門口有7~8個人排緊隊，
我地就攞飛先，都等咗25分鐘先有位，
餓到肚都扁，門面充滿咗日式風格
有好多支長竹立咗喺度，好有大自然嘅feel
一入到去坐低，侍應俾咗個二人座位我哋
店內 環境優雅，燈光明亮，
坐落去有一種好舒服嘅感覺，超relax
而且我哋坐嘅位置，剛剛好可以遠眺到
窗外面嘅夜景，望到荃新天地四隻字
我哋睇咗一陣餐牌，
最後我決定食魚生飯定食
朋友就食銀雪魚西京燒定食
我另開嗌咗一杯～巨峰提子梳打飲品
唔好睇碗魚生飯好似好少份量咁，
其實只係佢個碗好鬼大個啫，
份量絕對係剛剛好夠一個人食有突㗎！
一上枱...
真係嚇親我哋兩個，一齊講左句「嘩」
佢個碗真係大到好巨型唔係誇張，
心諗～有冇必要拎個咁巨大嘅碗裝飯
一邊食啲生薑，一邊食淋咗豉油&wasabi
嘅魚生飯，真係食指大動勁開胃
碗飯有幾款刺身，三文魚、帶子、甜蝦，
吞拿魚等等， 雖然食落感覺又未話去到
真係好新鮮咁，甜蛋亦未夠甜，
不過勝在夠大塊，整體嚟講碗飯都合格嘅～
定食入邊仲有茶碗蒸& 麵豉湯，
反而麵豉湯我覺得幾好飲，
如果湯入面再多一啲豆腐就好喇
不過茶碗蒸我就有啲失望，食落好一般，
味道唔夠，而且啲蛋一筆落去好散
杯巨峰提子梳打反而有驚喜，都幾好飲
朋友就嗌咗必食嘅～銀鱈魚西京燒定食
佢個餐一共有 三大塊銀鱈魚，
我反而覺得佢呢個餐好有驚喜
因為佢夾咗其中一塊魚俾我試食！
係最大果塊，不過食果陣小心魚骨呀！
嘩...... 一食落發覺，真係超級勁爆好味！！
可以話係我咁大個女，食過最好味嘅銀鱈魚！
真係唔係誇張或者作大，
係真係好好味
好食到我好有衝動，
去廚房問廚師到底點煮
咬落啲魚皮，好香口，食落啲魚肉度，
啲味道真係勁香，勁嫩滑唔係講笑
好食到我想食多一塊，但係如果係咁嘅話，
我就會食晒朋友啲銀鱈魚㗎啦～哈哈哈
強烈推介大家！一定要點呢個銀鱈魚定食！
包你食過返尋味，念念不忘，
因為我依家真係，好想再食多次依個銀鱈魚！
由於太肚餓同埋食物都幾有水準，
好好味嘅關係，所以我哋將枱上所有
野食全部清晒落肚，渣都冇得剩哈哈哈哈
我連杯嘢飲都飲到 一滴不剩
今晚呢餐生日飯真係好滿足好飽呀
張貼
