小火焰韓式咖啡廳 (金山樓) (已結業)

一直都想試呢間餐廳終於係大圍開分店估唔到平日中午咁多人等位有多款午餐可以選 仲要包一杯飲品🍗蜂蜜提子脆米炸雞 半份 $98炸雞外皮超脆 唔會覺得好油膩 肉嫩滑 濃濃蜂蜜味 甜甜地 調味十足配埋米通 提子 有多種味道 口感豐富🍝黑松露炒准山麵 $58准山麵幼細 口感似偏淋身嘅天使麵配料方面有翠玉瓜 菇 紅椒 洋蔥 份量十足好creamy 濃濃忌廉汁 但略嫌黑松露味道唔夠濃🥟大醬餃子粉絲鍋 $62而家冷冷嘅天氣 好適宜食個熱熱嘅鍋湯底辣辣地 好開胃粉絲爽口 餃子餡料十足 但口感偏軟綿