影片
更多
2025-04-28
2607 瀏覽
聽朋友介紹，銅鑼灣有間超級抵食嘅打邊爐，仲要有刺身同串燒都係任食，無限時，即刻夜晚去試下。餐廳環境乾淨，座位闊落，地下乾爽。設計有少少日本風。我地揀左B餐，當中出左火鍋，仲有刺身同串燒任食。火鍋湯底有多款選擇，仲可以一人一鍋，店員推介我地可以揀重慶雞煲，食完雞煲之後仲可以轉其他湯底打邊爐，就可以試到唔同口味。最後揀左重慶雞煲同埋椰子雞煲，食完重慶雞煲之後，轉壽喜燒湯打邊爐。肉類方面有美國極尚牛肉、美國肥牛肉、澳洲羊肩肉，特選豚肉。推介大家一定要試極尚牛肉，非常有牛味，入口口感極佳。刺身方面都可以任食，打邊爐嘅餐廳連刺身都可以任食好少見，款式都幾多，仲要好新鮮，有：珍寶赤蝦、泰式生蝦、三文魚、希靈魚、帶子、赤貝、北寄貝、飽片。串燒方面選擇更多，全部都好惹味，當中：燒牛舌、燒鮑魚、燒雞心、燒四季豆好值得食。打邊爐食物方面，有多款海鮮選擇，有濟州蠔肉、生猛海蝦、鮑魚、大扇貝、大白蜆，另外牛柏葉及八爪墨魚滑亦值得食。自助吧亦有打邊爐配料選擇。前菜方面嘅海蜇沙律同泰式鳳爪沙律一定要嗌，好好味。飲品方面除左多款罐裝及盒裝飲品外，仲有樽仔飲品：多肉葡萄、手打檸檬茶、白桃烏龍茶。多款自家製甜品都可以任
我地揀左B餐，當中出左火鍋，仲有刺身同串燒任食。火鍋湯底有多款選擇，仲可以一人一鍋，店員推介我地可以揀重慶雞煲，食完雞煲之後仲可以轉其他湯底打邊爐，就可以試到唔同口味。最後揀左重慶雞煲同埋椰子雞煲，食完重慶雞煲之後，轉壽喜燒湯打邊爐。
肉類方面有美國極尚牛肉、美國肥牛肉、澳洲羊肩肉，特選豚肉。推介大家一定要試極尚牛肉，非常有牛味，入口口感極佳。
刺身方面都可以任食，打邊爐嘅餐廳連刺身都可以任食好少見，款式都幾多，仲要好新鮮，有：珍寶赤蝦、泰式生蝦、三文魚、希靈魚、帶子、赤貝、北寄貝、飽片。
串燒方面選擇更多，全部都好惹味，當中：燒牛舌、燒鮑魚、燒雞心、燒四季豆好值得食。
打邊爐食物方面，有多款海鮮選擇，有濟州蠔肉、生猛海蝦、鮑魚、大扇貝、大白蜆，另外牛柏葉及八爪墨魚滑亦值得食。自助吧亦有打邊爐配料選擇。
前菜方面嘅海蜇沙律同泰式鳳爪沙律一定要嗌，好好味。
飲品方面除左多款罐裝及盒裝飲品外，仲有樽仔飲品：多肉葡萄、手打檸檬茶、白桃烏龍茶。
多款自家製甜品都可以任食，完全可以滿足女人嘅甜品胃。當中最吸睛一定係宇治抹茶芭菲同榴槤芭菲，一樣可以任食。
總括而言，性價比極高，一個價錢可以食到多款食物，物超所值，係三五知己聚會好去處。
張貼
