森記餐室飯館 (已結業)

森記呢間餐廳已經幫襯咗好多次 ，無論早餐，午餐，定晚餐價錢都好大眾化，好抵食。 早餐嘅款式都好多選擇， 中式西式都有 。午餐方面，碟頭飯價錢便宜，份量大碟，抵食 。晚餐 都係價錢 非常之抵， 而且食物有質素 ， 尤其喺燒味方面，乳豬， 燒鵝 和芝麻雞做得非常出色。 服務方面:覺得 店員 係好細心， 而且有禮貌 ，呢個真係值得一讚， 每個員工都係快手快腳做嘢， 睇得出佢哋係用心去服務客人 。唯一一樣嘢， 我想有少少意見 ，就係希望老闆考慮下，唔好只收現金，或者試下收埋信用卡或者其他電子貨幣例如alipay或者wechat pay ，因為好多時一大班人出嚟食飯，真係唔會帶咁多現金出去畀錢， 如果晚飯食到過千元嘅話，又冇得碌卡 ，又真係幾尷尬， 希望老闆考慮下， 收錢方便加入其他電子貨幣會更方便