蚊蚊豬老火鍋 (已結業)

今日嚟到呢度食放題，發現咗呢一間真係好高質。入面嘅座位都好闊落坐得好舒服，而且佢嘅價錢唔貴， 298+1可以食勻雞煲/烤魚再打邊爐！另外仲有羊腩煲或者魚頭煲同埋豬肚雞煲揀!我哋一齊先試咗個羊腩煲先，羊腩煲嘅湯底好夠濃，啲羊腩都食得出好新鮮，佢啲支竹好入味，記得點返份生菜或者油麥菜落去煮埋一齊食！真係好惹味！食完羊腩煲之後我哋繼續食呢個烤魚，佢烤魚都有好多種口味俾你揀，而我哋就揀咗呢一個麻辣烤魚，與都有兩個種類俾你揀，佢係成條上，有先炸過，個湯底都好夠辣，越食真係越開胃，條魚份量夠大條，食得出好新鮮！最後都一定要試埋雞煲，夠香夠麻，食完之後再打埋邊爐真係一次過滿足曬4個願望！火鍋料嘅種類都唔少而且仲有啲小食提供，每枱都仲有刺身拼盤送上，真係好抵食！