更多
2020-02-15
209 瀏覽
呢日同呀媽去開新都城千色店買嘢，順便食個午餐。不過我哋出到去都已經兩點，唔少餐廳已經做緊下午茶😂，仲好啦平啲。一落電梯就見到有好多間食肆，其中一間特別多人喺門口，原來係台灣餐廳，餐廳另一邊就係賣台式飲料。不過原來唔使等位，一入去店員就安排我哋入座。呢到係自己記低枱號出去收銀處點餐的，其實都方便，預先俾咗錢先，又唔使收加一😊！餐廳環境幾舒服，裝修帶點小清新嘅味道，行台灣文青風路線，而且仲有唔少圖書📖供人閲讀，個概念幾好。不過呢個時世，啲書暫時變咗做裝飾品。芝士醬酥排骨吐司(半份)🍞+桂花雞翼+蕃茄湯麵($42)，呢個係下午茶餐嚟，有三樣嘢食，而且份量好多，勁抵食！🐔桂花雞翼有兩隻，其實係炸雞翼，畀個桂花蜜糖你點，都唔錯。如果唔要雞翼，就可以揀地瓜薯條。至於個吐司半份都好大份，我本身以為係西多士一層嗰啲，但原來係似三文治🥪。中間夾住炸排骨，個🧀芝士醬幾惹味。我建議要盡快食用吐司，以免佢變硬變乾。蕃茄湯麵細細碗，不過食落都唔止兩三啖。🍅蕃茄湯底幾好飲，而且個麵好彈牙，又索湯，好食。清燉酥炸排骨米線🐷($38)，呢個係呀媽叫嘅，湯底揀咗清雞湯。湯麵好大碗，呀媽話都幾好味，我就無試，不過就食咗酥
呢日同呀媽去開新都城千色店買嘢，順便食個午餐。不過我哋出到去都已經兩點，唔少餐廳已經做緊下午茶😂，仲好啦平啲。一落電梯就見到有好多間食肆，其中一間特別多人喺門口，原來係台灣餐廳，餐廳另一邊就係賣台式飲料。
不過原來唔使等位，一入去店員就安排我哋入座。呢到係自己記低枱號出去收銀處點餐的，其實都方便，預先俾咗錢先，又唔使收加一😊！
餐廳環境幾舒服，裝修帶點小清新嘅味道，行台灣文青風路線，而且仲有唔少圖書📖供人閲讀，個概念幾好。不過呢個時世，啲書暫時變咗做裝飾品。
芝士醬酥排骨吐司(半份)🍞+桂花雞翼+蕃茄湯麵($42)，呢個係下午茶餐嚟，有三樣嘢食，而且份量好多，勁抵食！🐔桂花雞翼有兩隻，其實係炸雞翼，畀個桂花蜜糖你點，都唔錯。如果唔要雞翼，就可以揀地瓜薯條。至於個吐司半份都好大份，我本身以為係西多士一層嗰啲，但原來係似三文治🥪。中間夾住炸排骨，個🧀芝士醬幾惹味。我建議要盡快食用吐司，以免佢變硬變乾。
蕃茄湯麵細細碗，不過食落都唔止兩三啖。🍅蕃茄湯底幾好飲，而且個麵好彈牙，又索湯，好食。
清燉酥炸排骨米線🐷($38)，呢個係呀媽叫嘅，湯底揀咗清雞湯。湯麵好大碗，呀媽話都幾好味，我就無試，不過就食咗酥炸排骨，份量好多下，脆皮同肉無分開，但就比較乾身，點醬食會好啲。而我叫嗰份吐司嘅餡其實同呢個酥炸排骨係一樣😅。
下午茶餐有得加$8搭配小食，我哋要咗兩款。滷水豆腐，細細粒，都有幾多粒，而且幾入味，8蚊抵食😊！
紫菜魚丸湯🐟，湯熱辣辣送上，有大量紫菜，而魚丸就得一粒，不過佢切成兩個半邊，觀感好啲哈。
台南手工餡餅🥙($52/4件)，呢個餡餅呀媽話想試下就叫咗，食落都幾飽肚，好彩食得哂。豬肉餡幾好味，外皮都ok，係油咗少少。
椒鹽花枝丸🍢($42/5粒)，就咁諗花枝丸要成$8粒都唔平。不過呢到嘅花枝丸好大粒，而且外皮炸到脆脆的，好好食😋，絕對可以Encore！
下午茶送熱飲，如果加配茶研社飲品，正價減$5。我要咗凍仙氣火龍果茶(原價$30)，呢個無得揀冰量同糖量，因為係類似沙冰咁打出嚟。幸好味道唔太甜，清清地，飲得出幾多火龍果籽，杯飲品紫紅色的，好靚💜。我媽要咗凍脆脆阿華田(原價$28)，半甜，阿華田味道夠濃，完全唔係茶記嗰啲咁淡。上面啲脆脆好似係Oreo曲奇餅碎🍪，但要飲多幾啖先開始啜到面頭啲脆脆。
總括嚟講，呢間台灣食店各方面都唔錯，食物幾好味，份量又多，而且價格相宜。就算夜晚食，人均計都應該$100有找👍。
張貼
