大眾燒肉酒場 X 陀地燒 (已結業)

朋友約我去陀地燒，跟住個地址去，初初仲以為去錯地方，原來餐廳變咗「陀地燒 x 大眾燒肉酒場」。兩者聯乘，前者主打串燒，後者就主打燒肉。為咗應節，餐廳推出咗「陀地燒新年沖喜二人餐」，包括以下咁多款食物，都只係$288，真心抵食：雞皮串（2串） / 雞肉串（2串） / 薄切牛舌串（2串） / 招牌牛肉串（2串）/ 豬頸肉串（2串）/ 蒜芯串（2串）/土豆串（2串）/ 翠玉瓜串（2串）/ 陀地燒生蠔（2隻）/ 燒元貝（2隻） / 味淋魚乾 / 蒜茸包 /蜜糖菠蘿串（2串）個人好喜歡雞皮串，非常酥脆但唔覺油膩；燒生蠔同燒元貝都做得好出色，有蒜香之餘仲加咗啲辣菜脯，又惹味又香口；蒜蓉包亦係非常好食。另外額外再叫左雞腳筋串同藤椒魚皮。請者爽彈有咬口；後者爽脆，藤椒味酸酸辣辣啱晒我。飲品要另外叫，叫左菠蘿可爾必思同冷泡白桃烏龍茶。前者係乳酪系列有菠蘿果肉，口感不錯；後者味道比較清新。