乾隆古法秘製雞煲

營業中

休息中

三五知己要搵地方落腳飲酒吹水食飯，最好就係去烚下烚下。呢間雞煲火鍋雖然遠在堅尼地城，但係一直係我地既首選！無他，皆因佢個雞煲實在係太出色，出色在唔係單單講隻雞，而係佢個辣味係恰到好處，唔似得麻辣咁會食到個咀唇麻痺晒，但又可以俾到辣既感覺你，實在係太奇妙。嚟到必定係叫佢個「招牌乾隆古法幹雞煲」，４個人半隻就啱啱好，多人啲就可以叫足一隻。食完雞再原煲加湯打邊爐，略為肥膩但係原汁原味，唔怕肥仔既不妨坐遠啲地鐵去試下，價錢大眾化，誠意推薦。雞煲配香檳亦係一絕，注意餐廳會收取少量開瓶費。