紫荊閣 (已結業)

今日同家人嚟咗紅磡SAV Hotel 嘅一間中菜廳 "紫荊閣" 食晚飯,本身對呢間酒店印象都幾好，因為之前嚟過食靚靚下午茶，環境都很優美。坐定定就打開開飯apps睇下有咩推介，媽咪見到雞蛋焗魚腸即刻話要食，但係因為佢怕猩味，心大心細之下問職員，職員服務態度超好，細心講解，食完之後媽咪讚不絕口，話一d都唔猩，下次要再同舅父嚟食雞蛋焗魚腸，因為整得冇腥味嘅中菜廳實在係少之有少。富貴龍鳳球好香脆，面頭有沙律醬，味道配搭得好好，啱晒鍾意食香口食物嘅朋友。薑蔥霸王雞好滑滑，雖然只係叫咗半隻雞，但係唔知點解份量都好多，好快成隻都俾我哋食晒。而且呢間酒店容易泊車，地鐵黃埔站行過嚟都非常近，係一個唔錯嘅選擇！