南瀛極上刺身丼398
日式餐廳一定要食刺身飯，有拖羅、三文魚、帶子、海膽、吞拿魚蓉、油甘魚等等。拖羅係最香因為油脂豐富呈粉紅色☺️油甘魚口感正好香魚味另外帶子鮮甜大粒。
活貝盛合428
有齊生蠔，鮑魚，帆立貝同埋蜆，啲海鮮好靚好大粒😋 職員喺你面前即場燒俾你食，帆立貝好大隻落咗少少酒去煮，食嘅時候好甜。鮑魚係新鮮大隻🫶🏻食嗰陣係爽口。
甲羅燒68
入面蟹膏份量好多，鹹得來有鮮味，唔會純粹得個咸。加咗少少落刺身飯嗰度食，更加吸引。
南瀛卷288
超級靚❤️卷物上面鋪滿海膽、吞拿魚蓉、牡丹蝦、三文魚籽，全部都鮮味十足，特別係三文魚籽粒粒都脆卜卜通透飽滿，嗰卷食完之後好飽🤓
