影片
更多
2010-05-03
424 瀏覽
同事介紹話好正好好食, 因為龍蝦同片皮鴨做緊優惠, 龍蝦1隻$88, 片皮鴨一隻$68, 加$20 可以二食, 但優惠只係去到4月30日, 所以就約埋屋人, 一行7人一齊0黎呢度吃晚餐. 預先book 枱 同留定龍蝦同片皮鴨就穩陣啦~~呢度裝潢都幾靚, 好明顯係用0黎俾擺結婚酒宴多, 所以裝飾得好浪漫咁, 坐得都好舒服. 先有前菜, 蘿蔔同花生. 蘿蔔夠酸好味. 至於花生, 以為只係一般的鹽焗花生, 原來佢有醬汁0係底, 0的汁好似點片皮鴨0的甜醬咁, 但又酸酸咁, 幾好味. 所以清晒!先吃片皮鴨 - - - 真係冇欺場, $68隻鴨, 算係好大隻. 片皮哥哥仔好明顯唔係專業片鴨手, 好多肉都俾佢片落0黎, 不過都OK, 因為成家人都係食肉獸! ^^ 跟埋兩籠皮, 超多呀!!! 以為吃唔晒啦, 但都清晒, 因為隻鴨好正, 好番, 但唔肥唔油! 0的皮仲係脆口!! 真係超值!! 仲有二食, 我地要涼瓜炒. 本來以為骨多過肉啦, 0的肉都俾人片晒出0黎, 點知0黎到, 勁大碟!!! 仲要係舊舊肉!!! 痴線!! 細佬都話冇諗過呢個餸係有肉吃!!! 太正, 唔記得0左影... 跟住龍蝦 -
呢度裝潢都幾靚, 好明顯係用0黎俾擺結婚酒宴多, 所以裝飾得好浪漫咁, 坐得都好舒服.
先有前菜, 蘿蔔同花生. 蘿蔔夠酸好味. 至於花生, 以為只係一般的鹽焗花生, 原來佢有醬汁0係底, 0的汁好似點片皮鴨0的甜醬咁, 但又酸酸咁, 幾好味. 所以清晒!
先吃片皮鴨 - - - 真係冇欺場, $68隻鴨, 算係好大隻. 片皮哥哥仔好明顯唔係專業片鴨手, 好多肉都俾佢片落0黎, 不過都OK, 因為成家人都係食肉獸! ^^ 跟埋兩籠皮, 超多呀!!! 以為吃唔晒啦, 但都清晒, 因為隻鴨好正, 好番, 但唔肥唔油! 0的皮仲係脆口!! 真係超值!!
仲有二食, 我地要涼瓜炒. 本來以為骨多過肉啦, 0的肉都俾人片晒出0黎, 點知0黎到, 勁大碟!!! 仲要係舊舊肉!!! 痴線!! 細佬都話冇諗過呢個餸係有肉吃!!! 太正, 唔記得0左影...
跟住龍蝦 - - - 我地要0左兩隻, 用南瓜汁整同三葱炒! 南瓜汁幾香, 都幾濃. 但大家都係喜愛三葱炒, 好夠鑊氣, 0的葱爆得好香, 淨係食葱都夠!!! 可惜… 龍蝦細隻0左0的… 同事話佢地吃時試過係用大碟上0架, 多好多呢!!! 不過, 唔打緊, 因為仲有其他餸…
黃金豆腐磚 - - - 呢個係同事介紹同網友推薦, 再加上本人愛吃豆腐, 所以都叫埋. 真係外脆內軟, 應該係外脆內滑!!!! 好好味, 唔點喼汁或淮鹽都夠味!! 值得推介!!
燒雞 - - - 網友話燒雞好味, 而家人又愛吃雞肉, 就點埋啦!! 但眼見好多餸, 所以只要半隻. 好唔好吃? 就咁~~我第一眼見隻雞係剛剛上菜時, 跟住埋首吃龍蝦, 只係吃0左兩隻蝦鉗, 但再抬超頭時, 隻雞只係得番一件(紅圈)!!!!! 痴線!! 我一件都冇吃過囉!!! 有吃0的人就話: “好好味呀, 隻雞好滑好嫰, 一0的都唔老, 又唔咸, 雖然係雪雞, 但整得好有雞味!” 頂!
宮廷肉 - - - 因為驚滿足唔到成家肉獸, 所以叫多個宮廷肉, waiter哥哥仔話酸酸甜甜咁, 類似元蹄咁整法, 咁應該OK 0既, 要埋啦!! 一0黎到, 真係成隻元蹄豬手咁, 但好腍, 冇豬肉腥味. 個汁好得意, 送飯一流!! 吃到尾到底時, 仲有豬軟骨吃, 勁!!
見咁多肉, 點都要整番個菜: 炒唐生菜_菜心 - - - 都係咁, 同出面差唔多. 但個唐生菜好 “搵老襯”囉!! 落單哥仔同我講係有生菜, 咁我以為係西生菜, 就叫啦! 點知0黎到係唐生菜, 嘩! 差好遠喎! 但… 冇得投訴, 佢都係生菜, 只怪自己冇問清楚… 唉… 但都好味0既…
有段小插曲, 話說細妹見人地枱枱都有個小蠟燭暖住個茶壺, 但我地冇, 咁佢就叫部長叔叔可唔可以俾個我地, 部長叔叔好客氣話冇問題… 就係咁, 多0左個浪漫0野0係我地張枱上面. 不過, 呢個0野真係work, 0的茶到最尾都係熱的!!
埋單時, 細妹有citibank 咭, 除片皮鴨同龍蝦外, 所有餸都有9折, 而且吃夠$100送$10 coupon!! 正!
嚴格0黎講, 呢餐真係超值呢!!!
吃完先知 - - - 原來優惠期延長0左… -__- “ 都好, 可以吃多次!!
張貼
