影片
更多
2019-06-11
210 瀏覽
端午節前夕，和同事一齊出來「做節」，揀咗莆田。作為一間嚟自星加坡嘅米芝蓮一星餐廳，我一直覺得莆田嘅餸菜好有特色亦好味，所以今日又來食好嘢啦！一坐低未叫嘢食已經送上酸酸味味的開胃小食，連啲茶都好飲過人，但我唔知呢個係乜嘢茶。叫咗呢度幾個馳名小菜，包括「福建三寶」：莆田扁肉湯、百秒黃花魚、莆田滷麵。扁肉湯($22/位)好好味，有好多小餃子，個餡有菜有肉，睇咗啲介紹先知，原來個皮係用肉來做嘅，經過12,000次嘅槌揼而變成「餃子皮」，所以食落好有口感，真係估佢唔到！一鍋湯四個人飲都有好多碗。黃花魚($78)就好大條，佢話用100秒就蒸熟一條魚，所以一啲都唔會過火，魚肉好嫩滑，亦有魚味。另外個莆田滷麵($88)係同事推介，佢寫住有12種食材，湯濃料足，確實又幾好味，個湯少少傑身，有蝦、蜆、菇、菜、肉碎等等嘅餸，而且份量不少。另外試咗兩個前菜：滷水嫩豆腐（$52）、蝦苗伴紫菜（$55），嫩豆腐有啲醬香味，豆腐煮淋但唔會爛！蝦苗伴紫菜好特別，啲紫菜好似有少少醋味，好開胃。仲有一個芋香棒棒，超濃郁嘅芋頭味，外層炸而不油，外脆內軟。剛好呢期又做緊蟶子promotion，所以亦叫咗一個蒜蓉蒸蟶子($10
一坐低未叫嘢食已經送上酸酸味味的開胃小食，連啲茶都好飲過人，但我唔知呢個係乜嘢茶。叫咗呢度幾個馳名小菜，包括「福建三寶」：莆田扁肉湯、百秒黃花魚、莆田滷麵。
扁肉湯($22/位)好好味，有好多小餃子，個餡有菜有肉，睇咗啲介紹先知，原來個皮係用肉來做嘅，經過12,000次嘅槌揼而變成「餃子皮」，所以食落好有口感，真係估佢唔到！一鍋湯四個人飲都有好多碗。
莆田扁肉湯
$22
7 瀏覽
0 讚好
0 留言
黃花魚($78)就好大條，佢話用100秒就蒸熟一條魚，所以一啲都唔會過火，魚肉好嫩滑，亦有魚味。
百秒黃花魚
$78
20 瀏覽
0 讚好
0 留言
另外個莆田滷麵($88)係同事推介，佢寫住有12種食材，湯濃料足，確實又幾好味，個湯少少傑身，有蝦、蜆、菇、菜、肉碎等等嘅餸，而且份量不少。
莆田滷麵
$88
16 瀏覽
0 讚好
0 留言
另外試咗兩個前菜：滷水嫩豆腐（$52）、蝦苗伴紫菜（$55），嫩豆腐有啲醬香味，豆腐煮淋但唔會爛！蝦苗伴紫菜好特別，啲紫菜好似有少少醋味，好開胃。
蝦苗伴紫菜
$55
13 瀏覽
0 讚好
0 留言
滷水嫩豆腐
$52
18 瀏覽
0 讚好
0 留言
仲有一個芋香棒棒，超濃郁嘅芋頭味，外層炸而不油，外脆內軟。
芋香棒棒
16 瀏覽
0 讚好
0 留言
剛好呢期又做緊蟶子promotion，所以亦叫咗一個蒜蓉蒸蟶子($109)。一碟有成十幾隻，用蒜頭蒸好香，超惹味！
蒜蓉蒸蟶子
$109
9 瀏覽
0 讚好
0 留言
我哋最後仲叫咗兩個甜品，包括酥炸冰心榴槤（ $45 ），同埋桂花陳皮燉雪梨($36)，兩個都好好味。酥炸冰心榴槤，係將一舊榴槤蓉雪到冰咁實，然後撲粉去炸，再加上一啲醬汁，榴槤味超香濃，好好味！燉雪梨就相當清甜清潤，一定受女士喜愛！
桂花陳皮燉雪梨
$36
15 瀏覽
0 讚好
0 留言
酥炸冰心榴槤
$45
20 瀏覽
0 讚好
0 留言
今次我哋散叫，但其實佢有好多唔同套餐，二人餐四人餐六人餐都有好多選擇，而且價錢唔貴，份量又多，我會再返嚟食的！
張貼
