更多
2020-08-29
2634 瀏覽
已經有接近兩個月無試過週末外出用膳,見今日風和日麗,陽光普照,嚟大角咀旺角帝盛酒店 2 樓呢間「壹壹漁一」食 Lunch。餐廳早排推出咗個 90 分鐘午市半自助餐,定價非常親民,基本收費只是 $58,就已經包括有沙律、湯、飲品、泰式甜品及 4 款 Häagen-Dazs 雪糕、雪葩,全部都係任食,所以一早就 bookmark 咗。如果想食得豐富啲,另外亦可以加配主菜,定價由 $20 - $50 不等,有泰式、日式、西式等多達 22 款可供選擇。點完主菜,店員隨即送上一客支豆,之後就可以點沙律、餐湯同飲品等,全部都係由服務員送上,無需自取。沙律即叫即製,每日款式都會唔同,而到訪當日就有野菜沙律、海蜇沙律、泰式鳳爪沙律、秋葵沙律,幾款沙律味道都唔錯,不但用料新鮮,而且食材健康,尤其是海蜇沙律,味道很清新,入口酸辣惹味,食多幾碟都唔怕滯!餐湯有兩款,分別為味噌湯同南瓜湯,味噌湯味道啱啱好,唔會太鹹;南瓜湯熱辣辣,入口順滑。主菜我哋揀咗蒲燒鰻魚丼 (+$30) 同 和風稻庭烏冬配和牛。 先試下個鰻魚飯,食物質素很有誠意,鰻魚非常大條,幾乎把整個飯遮蓋,加上面頭鋪滿櫻花蝦,賣相相當吸引。嚐一口
餐廳早排推出咗個 90 分鐘午市半 自助餐,定價非常親民,基本收費只是 $58,就已經包括有沙律、湯、飲品、泰式甜品及 4 款 Häagen-Dazs 雪糕、雪葩,全部都係任食,所以一早就 bookmark 咗。
如果想食得豐富啲,另外亦可以加配主菜,定價由 $20 - $50 不等,有泰式、日式、西式等多達 22 款可供選擇。
點完主菜,店員隨即送上一客支豆,之後就可以點沙律、餐湯同飲品等,全部都係由 服務員送上,無需自取。
沙律即叫即製,每日款式都會唔同,而到訪當日就有野菜沙律、海蜇沙律、泰式鳳爪沙律、秋葵沙律,幾款沙律味道都唔錯,不但用料新鮮,而且食材健康,尤其是海蜇沙律,味道很清新,入口酸辣惹味,食多幾碟都唔怕滯!
餐湯有兩款,分別為味噌湯同南瓜湯,味噌湯味道啱啱好,唔會太鹹;南瓜湯熱辣辣,入口順滑。
主菜我哋揀咗蒲燒鰻魚丼 (+$30) 同 和風稻庭烏冬配和牛。 先試下個鰻魚飯,食物質素很有誠意,鰻魚非常大條,幾乎把整個飯遮蓋,加上面頭鋪滿櫻花蝦,賣相相當吸引。嚐一口,鰻魚散發陣陣焦香,食落肉身肥厚,不帶骨,啖啖肉,口感豐富。
至於個和風稻庭烏冬配和牛 (+$40) 亦很有驚喜,烏冬面頭鋪滿薄切和牛及粟米粒,和牛生熟度剛好,入口非常嫩滑、脂肪纖細,肉味濃郁,同超爽滑彈牙嘅日本稻庭烏冬簡直係絕配!
甜品以泰式糕點為主,有大菜糕、椰汁糕,前者爽口、後者煙韌,加上全部都小巧的骰、細細件,就算多吃幾件也不怕個胃裝不下。
雪糕有四款口味,包括哈密瓜、 士多啤梨、香檸雪菓、比利時朱古力。Lemon Sorbet 味道很清新,入口微酸,果香豐沛,吃下有沙冰之感。
飲品有咖啡、奶茶、汽水等,要特別推介這杯香茅班蘭茶,入口帶陣陣檸檬香味,很適合夏天飲用,非常清新,食飽飽再嘆番杯,真係賞心樂事。
張貼