更多
2022-05-17
2825 瀏覽
今日放工後到位於上環的律師樓簽📑文件, 完成後係附近晚飯, 上OPENRICE 見到呢間餐廳評價唔錯, 仲即時網上訂位, 有全單9折(即係免加一)。還未到5月, 晚上的天氣已十分悶熱, 再加上放工後趕過去律師樓更加出曬汗🥵兼攰, 此時能夠被安排坐近窗邊寬敞舒適的四人枱同有一杯凍冰冰既可樂加持, 頓時令心情輕鬆愉快了很多。我地點左2人餐。首先上餐包同沙律🥗, 餐包正常水準, 鬆軟也有麵包香, 如果可以烘熱少少個包會更好。刺身帶子沙律好味, 尤其沙律菜, 十分爽甜新鮮。炸魚薯條 - 魚和薯條🍟同樣炸得金黃酥脆, 炸魚尤其十分美味, 好少食到肉質咁嫩滑既炸魚, 仲要一D雪藏味腥味都無, 炸漿薄薄一層, 完全做到外脆內嫩的效果, 之前食過The Salted Pig 既炸魚薯條, 唔好味, 外皮又厚又硬。蘑菇湯 - 味道不錯, 頗香濃, 入口順滑。美國頂級牛柳裙邊 - 富彈性而帶點嚼勁, 只是略嫌牛味稍遜。我反而想特別提下佢地伴碟既粟米仔, 一直以為粟米仔之所以叫粟米仔係因為佢個樣有D似粟米🌽, 但其實同粟米無關, 因為入口又硬又無味, 絕對唔會主動買黎食, 見到都會避開。但原來粟米仔係可以咁
還未到5月, 晚上的天氣已十分悶熱, 再加上放工後趕過去律師樓更加出曬汗🥵兼攰, 此時能夠被安排坐近窗邊寬敞舒適的四人枱同有一杯凍冰冰既可樂加持, 頓時令心情輕鬆愉快了很多。
我地點左2人餐。首先上餐包同沙律🥗, 餐包正常水準, 鬆軟也有麵包香, 如果可以烘熱少少個包會更好。刺身帶子沙律好味, 尤其沙律菜, 十分爽甜新鮮。
炸魚薯條
70 瀏覽
0 讚好
0 留言
蘑菇湯 - 味道不錯, 頗香濃, 入口順滑。
美國頂級牛柳裙邊 - 富彈性而帶點嚼勁, 只是略嫌牛味稍遜。我反而想特別提下佢地伴碟既粟米仔, 一直以為粟米仔之所以叫粟米仔係因為佢個樣有D似粟米🌽, 但其實同粟米無關, 因為入口又硬又無味, 絕對唔會主動買黎食, 見到都會避開。但原來粟米仔係可以咁爽脆清甜, 味道同一粒粒既新鮮粟米一樣。
黑松露意大利飯 - 濃郁creamy的醬汁搭配有一點硬度的意大利飯, 好味。其實未開始食個飯已經8, 9成飽, 呢個2人餐太豐富了。
朱古力慕絲杯
22 瀏覽
0 讚好
0 留言
甜品有兩款選擇, 百利甜酒燉蛋同朱古力慕絲杯, 我地各自嗌左一款黎SHARE。朱古力慕絲杯推介必點, 就咁睇個名以為就係一杯簡單既朱古力慕絲, 而望到實物更嚇親, 好似一杯非常杰身既朱古力漿咁, 心唸一定會好甜好滯, 點知食過第一啖之後就停唔到口, 入口輕盈軟滑既朱古力慕絲內藏雪糕🍦和布朗尼, 甜度適中, 層次豐富。見到隔離枱三位客人都係嗌呢個朱古力慕絲杯, 應該係熟客仔。而燉蛋就麻麻, 口感不甚幼滑也欠缺蛋香。Green Orange 環境寧靜舒適, 食物質素不錯, 最重要是沒有用餐時限, 是一個適合跟朋友聚會的好地方, 客人可以坐得舒舒服服咁慢慢傾, 慢慢食, 放慢腳步, 舒緩一整天的緊張生活。
張貼
