餃掂手工餃子雲吞專門店

龍鳳松茸餃龍鳳松茸即係黑松露和白松露，餡料充盈，均勻分佈，粒粒都漲卜卜，充滿食慾！入口有咸香，口感濃郁。四川涼麵我哋選擇咗走辣，店家付上麻醬配搭，好清新🌱加上麵條本身彈牙有嚼勁，入口涼爽又帶有一絲絲韌度，好有口感。煎韮菜餃賣相簡單，金黃色外皮煎至酥脆，咬下去發出脆脆聲音，內餡鮮嫩有汁，韮菜份量豐富，經過煎煮，味道更加濃郁，更加鮮美，讓人愛不釋手。上湯松茸時蔬松茸和時蔬一齊烹調，湯汁清澈，入口甘甘地，口感清爽，食完煎餃，啱啱好可以解油膩添！