39
0
2
等級3
62
0
2024-05-17 114 瀏覽
之前食過Chef Find 四手聯乘德國菜,極掛住德國蛋麵Spätzle,點知喺Chef嘅主場 @heimat.hk 更有驚喜!fine-dining 6 course meal 由頭盤、主菜到juice pairing 我都好滿意🥹佢嘅菜式用料唔係話最特別,但係食材配搭、烹調方式真係值得一讚!慶祝嘅話可以試呢間🥹❤️藍龍蝦配粟米冷盤冷盤已經俘虜咗我的心,罕有嘅藍龍蝦煮到medium rare,爽、嫩、帶膠質,加上清甜嘅粟米蓉,仲有粟米脆脆,有多重口感!欣賞廚師冇放太多調味喺呢個頭盤,完全食到龍蝦同粟米本身嘅鮮甜! 海鱒魚配青豆湯一定係我飲過最好味嘅青豆湯!淡鹽青豆湯再加上清新嘅薄荷,原來超級夾,草青味冇晒!而且湯嘅稀稠度啱啱好,唔會太稀,又唔會太重粉感。海鱒魚經過香港Victoria Island Smokehouse 燻製,淡淡煙燻同青草香味形成奇妙嘅對比!德國蛋麵Spätzle 絕對係家嫂最鍾意嘅pasta!Spätzle麵團嘅水、蛋同鹽嘅份量比其他pasta高,所以單食已經好有蛋香,德式做法係仲會將蛋麵煎香,外脆內軟真係不得了,加上冇得輸嘅忌廉蘑菇汁,成為我今餐嘅最愛! 脆皮烤豬
更多
之前食過Chef Find 四手聯乘德國菜,極掛住德國蛋麵Spätzle,點知喺Chef嘅主場 @heimat.hk 更有驚喜!fine-dining 6 course meal 由頭盤、主菜到juice pairing 我都好滿意🥹佢嘅菜式用料唔係話最特別,但係食材配搭、烹調方式真係值得一讚!慶祝嘅話可以試呢間🥹❤️

藍龍蝦配粟米冷盤
冷盤已經俘虜咗我的心,罕有嘅藍龍蝦煮到medium rare,爽、嫩、帶膠質,加上清甜嘅粟米蓉,仲有粟米脆脆,有多重口感!欣賞廚師冇放太多調味喺呢個頭盤,完全食到龍蝦同粟米本身嘅鮮甜!

 海鱒魚配青豆湯
一定係我飲過最好味嘅青豆湯!淡鹽青豆湯再加上清新嘅薄荷,原來超級夾,草青味冇晒!而且湯嘅稀稠度啱啱好,唔會太稀,又唔會太重粉感。海鱒魚經過香港Victoria Island Smokehouse 燻製,淡淡煙燻同青草香味形成奇妙嘅對比!

德國蛋麵
Spätzle 絕對係家嫂最鍾意嘅pasta!Spätzle麵團嘅水、蛋同鹽嘅份量比其他pasta高,所以單食已經好有蛋香,德式做法係仲會將蛋麵煎香,外脆內軟真係不得了,加上冇得輸嘅忌廉蘑菇汁,成為我今餐嘅最愛!
 
脆皮烤豬腩肉
呢個豬腩肉又係不得了,德國進口豬經過醃製、煙燻、烤焗,外皮脆而有肉汁,睇片就知幾Juicy,比德國豬手更出色!大廚Zhang酸菜釀入豬腩肉,再喺面加上芥末、紅椒粉及藏茴香子,成個菜式烹調同調味都做得非常之好!

德式高麗菜肉捲
 呢個暖心家庭式嘅德國菜,用咗香港家豬黑毛豬肉加上鮮味十足的湯汁,大廚話豬肉預先加鹽同水快速攪拌,可以增加彈性,口感真係唔錯,我蒸肉餅都要試吓!

士多啤梨蛋糕
士多啤梨有略略煮過,保持口感之餘又可以增加甜味,芝士蛋糕味甜帶雲呢拿香,成個Menu都食到食材嘅原味!

最後我都幾推薦大家試下juice pairing,第一次飲咁有層次嘅果汁,侍應介紹水果嘅選材都好講究,果汁果味濃,而且充滿蜂蜜同花香,雖然價錢少少貴,但係值得試!

6 Course Full Journey($1,280)/

食物:❤️❤️❤❤❤️( 必食蛋麵、豬腩!)
環境:❤️❤️❤❤❣️( 有空間感)
服務:❤️❤️❤️❤❤️(主動有禮貌)
價錢:❤️❤️❤❤️🤍(價錢對得起質素)
3 瀏覽
0 讚好
0 留言
2 瀏覽
0 讚好
0 留言
5 瀏覽
0 讚好
0 留言
3 瀏覽
0 讚好
0 留言
7 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食