第一位：鹹蛋黃魚皮
估唔到係呢樣呢？前排吹起鹹蛋黃風氣，我都試咗一下呢度嘅鹹蛋黃魚皮，真係好夠味！每一塊魚皮都沾上鹹蛋黃，我即刻encore左兩碟添啊！
第二位：新鮮刺身
食放題當然唔少得新鮮刺身啦！我一坐低，冇幾耐佢哋已經送上新鮮嘅刺身盤，每樣刺身都有，唔夠仲可以再叫一啲心水嘅刺身，服務周到！
第三位：三文魚頭
每次都食三文魚刺身，今次食埋佢個頭！燒得啱啱好，d油份逼晒出嚟，啲肉又滑又嫩，可以試吓！
其他美食：
飛天通菜～頭先講今次唔只有日式美食，仲有放題少見嘅泰式美食，仲要係蔬菜添啊，個通菜炒得相當惹味，補充放題好少食嘅纖維，食完就保證暢通無阻啦
養顏花膠鍋～呢個鍋好似打邊爐咁，食家仲可以買一啲火鍋配料，例如肥牛、丸類等等
不過我哋太飽了，就冇叫配料，大家有胃可以叫黎試下！
最後擺返我的最愛：親子手卷～三文魚加三文魚子嘅配搭係我見過所有手卷之中最愛嘅配搭，呢度三文魚子新鮮冇腥味，配合三文魚，一軟一脆，相當之好味，我連叫咗五個手卷嚟食添啊！
仲有唔同飲品好揀，今次食得超滿足！
