770
38
29
等級4
576
7
同媽咪慶祝母親節,梗係食返餐好嘅慶祝,成家都指意foodie(我)去搵😂經過一番搜羅之後見到呢間幾啱心水,就經OpenRice book咗餐廳好有心,送每個母親一碟海鮮拼盤❣️另外仲有特別母親節菜單👩🏻▶️ 海鮮拼盤 有蝦有青口有田螺有蠔🦪全部大大隻,好闊綽凍食好開胃🧊本身冇咩味道,所以要點旁邊嘅茄汁海鮮唔算好好食,不過送嘅就冇所謂啦▶️ 歐陸式前菜小食賣相精緻,似fine dining蕃茄莎莎將切碎咗嘅蕃茄混入紫洋蔥同香草🧅酸酸地又攻鼻,可以開味蕾薄到好似紙咁嘅青瓜上面搽上cream cheese再放上一片煙三文魚煙三文魚好食,少少鹹香帶啲煙燻味不過cream cheese同青瓜就麻麻哋,唔知點解有少少怪味😅▶️ 98% 野菌忌廉湯呢個湯勁啦,用上八種野菌去煮,所以話係98%野菌🍄果然每啖都係蘑菇碎🤩超香蘑菇味同好有質感湯嘅杰度啱啱好,加入適量嘅忌廉令佢少少creamy但唔heavy另外都落咗啲香草來增加香味可以話暫時飲過最好飲嘅蘑菇湯👍🏻仲要附送餐包,有兩款味道:罌粟籽/燕麥焗到外皮少少燶,黎到仲出緊煙♨️咬落外脆內軟,似法式baguette,入面咬到少少麥粉粒而且包肉有嚼口可以搽牛油🧈我自
更多
同媽咪慶祝母親節,梗係食返餐好嘅慶祝,成家都指意foodie(我)去搵😂
經過一番搜羅之後見到呢間幾啱心水,就經OpenRice book咗
餐廳好有心,送每個母親一碟海鮮拼盤❣️另外仲有特別母親節菜單👩🏻
27 瀏覽
0 讚好
0 留言

▶️ 海鮮拼盤
有蝦有青口有田螺有蠔🦪全部大大隻,好闊綽
凍食好開胃🧊
本身冇咩味道,所以要點旁邊嘅茄汁
海鮮唔算好好食,不過送嘅就冇所謂啦
海鮮拼盤
12 瀏覽
0 讚好
0 留言

▶️ 歐陸式前菜小食
賣相精緻,似fine dining
蕃茄莎莎將切碎咗嘅蕃茄混入紫洋蔥同香草🧅酸酸地又攻鼻,可以開味蕾
薄到好似紙咁嘅青瓜上面搽上cream cheese再放上一片煙三文魚
煙三文魚好食,少少鹹香帶啲煙燻味
不過cream cheese同青瓜就麻麻哋,唔知點解有少少怪味😅
歐陸式前菜小食
9 瀏覽
0 讚好
0 留言

▶️ 98% 野菌忌廉湯
呢個湯勁啦,用上八種野菌去煮,所以話係98%野菌🍄
果然每啖都係蘑菇碎🤩超香蘑菇味同好有質感
湯嘅杰度啱啱好,加入適量嘅忌廉令佢少少creamy但唔heavy
另外都落咗啲香草來增加香味
可以話暫時飲過最好飲嘅蘑菇湯👍🏻
仲要附送餐包,有兩款味道:罌粟籽/燕麥
焗到外皮少少燶,黎到仲出緊煙♨️
咬落外脆內軟,似法式baguette,入面咬到少少麥粉粒而且包肉有嚼口
可以搽牛油🧈我自己鍾意點湯食,呢個combo好正❣️
98% 野菌忌廉湯
13 瀏覽
0 讚好
0 留言

▶️ 炭燒素漢堡扒配香煎鱸魚 伴炭燒洋蔥焗大啡菇 ($348)
賣相冇其他主菜咁靚仔,欠缺少少色彩🙈不過相當豐富
鱸魚幾大條,煎到魚皮香脆,加咗鹽去醃,旁邊仲有專配魚柳嘅tartare沙律醬,夠晒味🐟肉質偏實正唔鬆散
素漢堡扒質感或味道根本同真正漢堡扒冇分別🤯唔講唔知,似肉丸或者豬柳蛋漢堡個豬柳🐷
炭燒素漢堡扒配香煎鱸魚 伴炭燒洋蔥焗大啡菇
$348
10 瀏覽
0 讚好
0 留言

侍應即場耍咗啲粉紅色嘅岩鹽落去,然後上面已經有啲醬料,加上素肉本身已經加咗調味,所以覺得太鹹🫣
大啡菇冇想像咁「大」,不過幾juicy,入面仲揚咗紫洋蔥碎
🥗伴菜有大量幼身蘆筍,切到好短嘅豆豆,煮到冧晒嘅翠玉瓜同黃椒,沙律菜,全部用油炒香過
幾特別係個炭燒洋蔥,燒到燶燶哋,食落似薯仔口感,十分香口
12 瀏覽
0 讚好
0 留言

▶️ 意式馬賽海鮮飯 ($308)
呢個食到一半先影🤣
海鮮飯係paella,同risotto有少少分別
飯比較大粒,食落似未煮熟生生地,但又唔硬,粒粒分明,口感得意👍🏻呢個就係佢嘅特質
材料豐富:有大蝦、帶子、青口、燈籠椒🦐
米飯索咗海鮮汁,味道夠濃郁,好香龍蝦溝番茄味,鍾意佢唔水汪汪
呢個應該係今日嘅「VIP」,超推介大家叫🌟
意式馬賽海鮮飯
$308
5 瀏覽
0 讚好
0 留言

▶️ 燒美國豬肋骨配燒烤汁 伴蒜蓉香草醬薯角 ($318)
成大嚿豬肋骨咁上!見燒得唔錯而且幾多肉咁
燒美國豬肋骨配燒烤汁 伴蒜蓉香草醬薯角
$318
8 瀏覽
0 讚好
0 留言

▶️ 飲品
可點茶/咖啡
為免夜晚瞓唔着,叫咗杯熱檸水
食到尾先上,可以配甜品飲,酸酸苦苦嘅味減低甜滯感🍋

▶️ 是日甜品
今日係抹茶芝士蛋糕😍啱晒我心水
上面個抹茶芝士超重抹茶甘苦味💚Cream cheese夠實身,帶啲芝士鹹味,令成個蛋糕冇咁甜
下面薄薄一層海綿蛋糕,感覺light啲,好過用曲奇餅底,唔會搶咗抹茶芝士味
旁邊仲有紅豆蓉同無花果
是日甜品
4 瀏覽
0 讚好
0 留言

-
整體食物幾有水準,擺盤同調味落足心事,配搭亦相當唔錯👍🏻 (唯一係朋友叫嘅冇咁出色)
服務OK,感覺幾high class,主動埋嚟斟水
我估係家庭生意?見到有個大概15歲嘅男仔幫手👦🏻個老闆超nice,會同客人有講有笑,臨尾又主動幫我哋影相
我哋自己再買咗蛋糕,餐廳都冇收切餅費
上菜有次序,見你食完一度先上另一度,不過可能因為母親節忙碌,上菜比較慢 (尤其主菜,唔係同一時間上,我嗰份等得最耐,嗰陣爹哋已經食完佢嗰份😂)
環境氣氛冇得頂,話明梵高主題,周圍都係梵高畫作,非常有藝術氣息,猶如置身梵高博物館🎨
3 瀏覽
0 讚好
0 留言

仲有鋼琴表演,一路聽住古典音樂一路食飯,頗有氣氛,用嘅燈光有大會堂睇concert feel🎼
因為係樓上餐廳,所以旺中帶靜😌尤如進入咗另一個世界 (梵高的世界)
今晚滿座但因空間感夠而唔嘈,可以舒服同屋企人傾談
價錢合理,埋單大概$400/ 人,已經食到豐富嘅六度晚餐❤️佢啲份量唔係fine dining size而係大大份足料嘅,食完真係捧住個肚返屋企🤰🏻
加上明明今日係母親節,但佢個母親節Menu冇特別set貴,比起同類餐廳冇咁進取
我哋喺估歌仔遊戲贏咗將$200現金卷,可以下次食晚餐用😌係一間值得回頭嘅餐廳
(大家快啲save低等下次父親節或者同另一半慶祝食,包有驚喜!齋論內在環境都贏咗)
*全部圖片由本人拍攝*
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$400 (晚餐)
慶祝紀念
母親節
推介美食
98% 野菌忌廉湯
炭燒素漢堡扒配香煎鱸魚 伴炭燒洋蔥焗大啡菇
$ 348
意式馬賽海鮮飯
$ 308
是日甜品
  • 98%野菌忌廉湯
  • 餐包