度小月 (時代廣場) (已搬遷) 新店位置

現在冇得去旅行之下，唯有食返台灣菜當去旅行。係時代廣場地下個層，有度小月，就當係走了一轉台南啦，哈哈。全部野食都細細碟，唔驚食唔晒，所以點點下都點左好多。擔仔裸條、擔仔麵(各$28)，第一次食裸條，都幾掛汁。烤紹興香腸($28)，烤得幾香脆。特滷大腸($48)，普普通通，唔差嘅。黃金蝦捲($88)，同係台灣食到嘅差不多。柯仔酥($68)，烤得幾酥脆，下酒一流。整體來講，上菜速度都幾快，職員服務都幾好。