陳黃記 (已結業)

行完山, 又去粉嶺聯和墟搵食啦, 今次搵左呢間, 因為想食藥膳湯, 又無食雲吞麵果d咁普通, 唔係度度有。呢度冷氣都幾大, 入到黎要披返件衫, 如果唔係好易凍親。雪梨山楂水$8, 杯裝, 熱的, 味道好甜, 似外加糖的甜味。天麻川芎白芷魚頭湯米線$43, 藥膳湯, 味較清, 唔太鹹, 不過魚就偏腥, 唔太岩口味。 雞湯飯$40: 湯有雞味冬瓜味, 味太鹹, 可能預湯飯要鹹d, 但都太鹹了, 雞件都幾多, 唔會雪到無味, 都仍有雞味, 煮到岩岩熟咁, 唔會好鞋。