影片
更多
2021-05-09
302 瀏覽
朋友話好耐未食個放題，就同我book左食過90分鐘嘅自助放題。雖然話90分鐘，但係其實都食得幾飽。餐廳嘅上菜速度好快。除左熱食係即整即有嘅關係所以會用多少少時間。首先一黎到就幫我哋落咗個刺身拼盤，成日驚食放題啲刺身唔新鮮，但係呢間餐廳就冇呢個問題。刺身既亮點當然係原隻嘅新鮮大蝦刺身，個蝦好鮮甜。我同朋友起碼K.O.左一打。而且呢度仲有我好鍾意嘅赤背刺身，赤背刺身好爽口，咬落去係索索聲既👍其他刺身例如三文魚、希靈魚、螺頭等等都係水準之上。另外因為我哋加錢$118叫咗個升級套餐，所以我哋就可以任食阿拉斯加長腳蟹同埋帶子拼海膽既刺身以及可以任飲生啤。阿拉斯加長腳蟹水準同一般喺酒店食到嘅都一樣都係唔錯啦，有新鮮嘅蟹味同埋海水味。至於個新鮮帶子拼海膽就係我嘅至愛，兩樣刺身都係我嘅最愛。今晚自己都食咗10粒以上。😍 生啤嘅選擇分嘢有1664同埋Asahi ，鍾意飲啤酒嘅人唔可以錯過，因為飲番幾杯都回本啦！除咗壽司刺身唔錯之後喺呢度仲有一大堆熱食可以慢慢揀。我自己就特別鍾意佢呢度嘅燒物，個燒蝦燒完之後啲肉唔會梅晒，仍然彈牙而且仲多咗一浸炭燒嘅香氣。另外椒鹽豆腐同埋一大埋沙嗲嘅肉類串燒我都好惹味，啱晒
首先一黎到就幫我哋落咗個刺身拼盤，成日驚食放題啲刺身唔新鮮，但係呢間餐廳就冇呢個問題。
刺身既亮點當然係原隻嘅新鮮大蝦刺身，個蝦好鮮甜。我同朋友起碼K.O.左一打。而且呢度仲有我好鍾意嘅赤背刺身，赤背刺身好爽口，咬落去係索索聲既👍
其他刺身例如三文魚、希靈魚、螺頭等等都係水準之上。
另外因為我哋加錢$118叫咗個升級套餐，所以我哋就可以任食阿拉斯加長腳蟹同埋帶子拼海膽既刺身以及可以任飲生啤。阿拉斯加長腳蟹水準同一般喺酒店食到嘅都一樣都係唔錯啦，有新鮮嘅蟹味同埋海水味。至於個新鮮帶子拼海膽就係我嘅至愛，兩樣刺身都係我嘅最愛。今晚自己都食咗10粒以上。😍
生啤嘅選擇分嘢有1664同埋Asahi ，鍾意飲啤酒嘅人唔可以錯過，因為飲番幾杯都回本啦！
除咗壽司刺身唔錯之後喺呢度仲有一大堆熱食可以慢慢揀。我自己就特別鍾意佢呢度嘅燒物，個燒蝦燒完之後啲肉唔會梅晒，仍然彈牙而且仲多咗一浸炭燒嘅香氣。另外椒鹽豆腐同埋一大埋沙嗲嘅肉類串燒我都好惹味，啱晒送生啤。
食飽之後，呢度仲有任食嘅甜品同埋雪糕，我特別鍾意個榴槤糯米糍同埋芒果布甸。因為個榴槤糯米糍真係食到好多榴槤蓉喺入邊㗎，可憐我朋友唔食榴槤啦😂 甜品櫃大到咁，應該都有一款啱你哋食嘅。
張貼
