安南 (利園) (已搬遷) 新店位置

大約一年前來過，印象不錯，尤其椰青大蜆湯更是念念不忘，諗住番黎要encore同試佢地其他野，點知係大失望。椰青大蜆湯啲蜆明顯縮水，而且係冇鮮甜味，個湯就得番椰青水果種甜，同上次食係完全兩回事。甘露大頭蝦係佢地招牌菜之一，本來滿有期待的，但同樣鮮味不足，而且大頭蝦竟然個頭冇乜膏，得好多甜甜地辣辣地嘅醬汁。跟住香橙鴨就唔知點解出奇地乾同硬，而個順化米線係可以一讚佢豬手夠淋同多肉多膠質，但牛展麻麻地，整體唔算特別。其實全餐只有無影相嘅馬拉盞通菜比較好。呢間應該唔會再有下次。