犇殿台灣火鍋 (德福廣場1期)

之前曾經食過佢嘅外賣火鍋套餐，今次試吓堂食。

我地係週末下午去到，見到佢有60分鐘嘅午市套餐，不過週末要加10蚊，另外除咗公眾假期外，時間會免費延長到75分鐘。

我地嗌咗兩個套餐，牛肉質素不過不失，任食嘅打邊爐配料，例如菜呀，丸呀都係正常發揮，反而想講吓佢啲熟食，係意外嘅好食！

個鹵肉飯非常入味，鹵豬手鹵到好稔，連炸鮮奶都好好食，搞到我地後期已經主攻熟食。

另外佢有兩款自製茶飲，值得一提嘅係荔枝紅茶，有淡淡荔枝香味但係又唔甜，打邊爐一流！