影片
更多
2019-06-12
65 瀏覽
6點半時間尚早，泥到銀行中心1樓的Le Viet已經有唔少人，不過唔使等位就有枱，可以極速開餐🍴🍴呢度既餐牌好吸引，樣樣都想食，為左食多啲款式，主菜叫左一款，其他都係小食。超載椰青焗飯$103牛油雞翼$72香茅豬頸肉米紙卷$42青檸梳打$28精選甜品併盤$108先泥涼透心既青檸梳打熱辣辣飲返杯的確爽歪歪！一路飲一路大大件食豬頸肉米紙卷，豬頸肉烤得香香的，配合外皮、米粉、蔬菜，沾少少汁，已經好好食～點睛之處既係面頭嘅花生，成個菜式有香有脆有咸有酸有腍有爽，食到唔想停！可惜只得四舊三扒兩撥已經俾我哋食晒嚕。呢度上菜都好快，未食完米紙卷，大大隻嘅牛油雞翼已經上枱！睇相都估唔到佢咁大隻，上面鋪滿大大粒蒜頭，唔香都難 最重要係佢唔止香，外面仲好脆！入面又多汁多肉，唯一缺點係近骨嘅地方仲有少少紅色，好似未熟透～但整體泥講都係好好食的(怕熱氣就要三思嚕)泥到厄like影相位就係主菜超載椰青焗飯响menu 見到即刻決定叫呢個！實在太吸晴！成個椰子雪糕甘，邊估到原來係飯而且唔止睇得，味道一樣得上面既白色汁係椰漿，甜甜的，撈埋椰殻入面既飯食，有少少似食緊芒果糯米飯，只不過配菜換左係海鮮初初以為佢啲海鮮配料
呢度既餐牌好吸引，樣樣都想食，為左食多啲款式，主菜叫左一款，其他都係小食。
超載椰青焗飯$103
牛油雞翼$72
香茅豬頸肉米紙卷$42
青檸梳打$28
精選甜品併盤$108
先泥涼透心既青檸梳打熱辣辣飲返杯的確爽歪歪！
一路飲一路大大件食豬頸肉米紙卷，豬頸肉烤得香香的，配合外皮、米粉、蔬菜，沾少少汁，已經好好食～
點睛之處既係面頭嘅花生，成個菜式有香有脆有咸有酸有腍有爽，食到唔想停！
可惜只得四舊三扒兩撥已經俾我哋食晒嚕。
呢度上菜都好快，未食完米紙卷，大大隻嘅牛油雞翼已經上枱！
睇相都估唔到佢咁大隻，上面鋪滿大大粒蒜頭，唔香都難
最重要係佢唔止香，外面仲好脆！
入面又多汁多肉，唯一缺點係近骨嘅地方仲有少少紅色，好似未熟透～
但整體泥講都係好好食的(怕熱氣就要三思嚕)
泥到厄like影相位就係主菜超載椰青焗飯
响menu 見到即刻決定叫呢個！實在太吸晴！
成個椰子雪糕甘，邊估到原來係飯
而且唔止睇得，味道一樣得
上面既白色汁係椰漿，甜甜的，撈埋椰殻入面既飯食，有少少似食緊芒果糯米飯，只不過配菜換左係海鮮
初初以為佢啲海鮮配料都係係咁以，得兩隻大蝦充撐場面，其實入面仲有好多蝦仔、魷魚同蜆仔，算係出乎意料！
食到呢度本來已經好飽，但係心思思又好想食甜品再睇下餐牌都係決定叫個精選甜品併盤！
有齊綠豆椰糕、芒果糯米飯同焦糖燉蛋，係咪好正先
綠豆椰糕煙煙韌韌，仲係暖暖地，我好中意個質感，不過唔係好食到綠豆味
芒果就夠新鮮，雖然有啲部位甜、有啲酸，感覺都係好清新的，唔係浸糖水。但糯米飯偏硬，如果軟身小小就Perfect池。
最好食係焦糖燉蛋，焦糖脆脆的，燉蛋夠嫩滑，為今日晚餐畫上完美句號～
呢度嘅餐牌仲有好多河粉、咖喱，其實都好想試架，下次搵埋一大班朋友泥就可以試晒咁多樣啦
張貼
