更多
2019-01-20
837 瀏覽
呢排真係好想食海鮮,尤其是我最愛嘅蟹, 真係欲罷不能,於是同男朋友去到尖沙咀天文台道嘅呢一間花木,食我最鍾意嘅日本嘢。環境真係幾舒服,而且好清靜,唔會太多人,亦唔會太逼,可以好好地咁傾計!而且花木正好呢一排推出蟹宴嘅套餐,真係好啱我呢個蟹迷呀, 一共有八度菜,淨係睇個menu已經流曬口水, 咁就當然要叫嚟試下啦!先上嚟嘅就係蟹肉刺身,話就話係刺身,其實表面都有少少熟,因為熟咗先可以剔到啲蟹肉出嚟,但係入面啲肉就真係生嘅。 蟹腳夠粗夠鮮甜,咬落去真係啖啖都係肉,一啖真係好滿足,加上擺盤真係好別緻,點上少少嘅醬油 ,更加可以帶出蟹肉嘅鮮甜味道。而側邊仲放咗三文魚籽同帶子刺身,口感亦都相當豐富,真係要畀個like佢!跟住嘅就係凍松葉蟹配香醋, 而松葉蟹對比頭先嘅鱈場蟹,蟹腳雖然冇咁粗,但係就有另一種嘅鮮甜味,加上少少嘅海水味道,點上店家配製嘅柚子醋,食落相當開胃!另外要讚嘅呢到嘅蟹剪相當好用,好輕易就可以拆到啲蟹肉出嚟,對於拆蟹白痴嘅我,都可以好輕易咁用到,唔錯!跟住不得不提嘅,又係我最愛嘅海膽蟹籽蟹肉甲羅燒,表面鋪滿蟹肉同鮮甜嘅海膽,加上脆卜卜嘅蟹子,底下仲放咗少少芝士調味,配上香濃嘅蟹膏
環境真係幾舒服,而且好清靜,唔會太多人,亦唔會太逼,可以好好地咁傾計!
而且花木正好呢一排推出蟹宴嘅套餐,真係好啱我呢個蟹迷呀, 一共有八度菜,淨係睇個menu已經流曬口水, 咁就當然要叫嚟試下啦!
先上嚟嘅就係蟹肉刺身,話就話係刺身,其實表面都有少少熟,因為熟咗先可以剔到啲蟹肉出嚟,但係入面啲肉就真係生嘅。
蟹腳夠粗夠鮮甜,咬落去真係啖啖都係肉,一啖真係好滿足,加上擺盤真係好別緻,點上少少嘅醬油 ,更加可以帶出蟹肉嘅鮮甜味道。
而側邊仲放咗三文魚籽同帶子刺身,口感亦都相當豐富,真係要畀個like佢!
跟住嘅就係凍松葉蟹配香醋, 而松葉蟹對比頭先嘅鱈場蟹,蟹腳雖然冇咁粗,但係就有另一種嘅鮮甜味,加上少少嘅海水味道,點上店家配製嘅柚子醋,食落相當開胃!
另外要讚嘅呢到嘅蟹剪相當好用,好輕易就可以拆到啲蟹肉出嚟,對於拆蟹白痴嘅我,都可以好輕易咁用到,唔錯!
跟住不得不提嘅,又係我最愛嘅海膽蟹籽蟹肉甲羅燒,表面鋪滿蟹肉同鮮甜嘅海膽,加上脆卜卜嘅蟹子,底下仲放咗少少芝士調味,配上香濃嘅蟹膏,撈埋一齊一啖咁食,真係一種享受,非常之濃厚同creamy,但係又唔會太膩,好想食多個呀!
201款熱食就係海蟹天婦羅同埋茶碗蒸, 賣相唔駛講就當然非常之靚啦, 天婦羅係紫菜包住蟹腳咁炸, 除咗有蟹肉一貫嘅甜味之外,亦都有香香地嘅紫菜,加上少少嘅天婦羅汁,真係好惹味!
茶碗蒸亦都唔可以忽略, 雞蛋透著淡淡的鰹魚湯同埋蟹肉味道,非常鮮甜滑溜, 好似食緊豆腐花咁,不過底下就有一絲絲嘅蟹肉,加上一粒嘅銀杏, 有唔同層次嘅口感!
最後就有海蟹鍋同蟹肉壽司, 頭先一直食嘅都係蟹腳,咁蟹鉗呢?原來就係「寶物沉歸底」,留番最尾嘅海蟹鍋入面食, 配上唔同嘅蔬菜,例如菠菜、京蔥、金菇、冬菇、豆腐等, 加上蟹肉嘅鮮味,淨係個湯都可以飲曬佢, 再慢慢食個蟹肉, 食完真係好暖身。
至於壽司方面,賣相亦都相當精緻, 鮮甜嘅蟹肉加上底下嘅醋飯, 食落真係好夾,不過如果呢一個作為前菜之後嘅食物,感覺就比較好,因為都係酸味較多, 感覺係開胃嘅食物,哈。
最後仲有好呃like嘅水信玄餅作為甜品作結,信玄餅入面,有一朵細細哋嘅櫻花,真係好啱女仔食,加上甜甜地嘅黑糖, 感覺好清新。綠茶蕨餅亦都好香,食落煙煙靭靭,唔錯!
張貼