156
69
24
等級1
1
0
2020-12-22 1361 瀏覽
我第一次寫食評,就係要寫呢間野有幾差。啲嘢食唔係平,但係就貼錢買難受。星期二中午叫咗糯米雞,鹹水角,菜心。質素唔係特別好食,價錢唔係平過人都唔講啦。最過分嗰樣嘢係坐咗半個鐘阿姐就開始趕人走。飲緊杯茶剩低一件鹹水角,阿姐就走過來問係咪要食咗佢定係要包起佢,我心諗關你乜事啫,我鍾意食就食唔鍾意食就唔食,唔使你喺度催我。大佬我食嘢食得快先至可以食剩一件姐如果我食得慢咁點呀?係咪要外賣走啊?個老細走過來問你仲使唔使加野啊,我話唔使,就響我張單度畫個記號,我知呢啲嘢啦,你都係話俾啲夥計知張枱要催佢走姐。買單$75蚊,其實啲咁嘅服務態度,我不如去對面麥當勞食,平又平啲,又唔會俾人趕。我行出嚟,老細見我神色唔對,有講唔好意思,但係我唔收貨囉。同我講冇用㗎喎,你要培訓好你啲人,如果唔係就係縱容。另外茶錢$6一位,你飲緊個杯係有茶顏色嘅水。我冇預期米芝蓮推介嘅餐廳係咁嘅質素。雖然我唔諗住再幫襯,但係我希望佢有改善啦。
更多
我第一次寫食評,就係要寫呢間野有幾差。
啲嘢食唔係平,但係就貼錢買難受。星期二中午叫咗糯米雞,鹹水角,菜心。質素唔係特別好食,價錢唔係平過人都唔講啦。最過分嗰樣嘢係坐咗半個鐘阿姐就開始趕人走。
飲緊杯茶剩低一件鹹水角,阿姐就走過來問係咪要食咗佢定係要包起佢,我心諗關你乜事啫,我鍾意食就食唔鍾意食就唔食,唔使你喺度催我。大佬我食嘢食得快先至可以食剩一件姐如果我食得慢咁點呀?係咪要外賣走啊?
個老細走過來問你仲使唔使加野啊,我話唔使,就響我張單度畫個記號,我知呢啲嘢啦,你都係話俾啲夥計知張枱要催佢走姐。
買單$75蚊,其實啲咁嘅服務態度,我不如去對面麥當勞食,平又平啲,又唔會俾人趕。
我行出嚟,老細見我神色唔對,有講唔好意思,但係我唔收貨囉。同我講冇用㗎喎,你要培訓好你啲人,如果唔係就係縱容。
另外茶錢$6一位,你飲緊個杯係有茶顏色嘅水。我冇預期米芝蓮推介嘅餐廳係咁嘅質素。
雖然我唔諗住再幫襯,但係我希望佢有改善啦。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-12-22
用餐途徑
堂食
人均消費
$75 (午餐)
推介美食
  • 阿姐同老細嘅服務態度