紅橋 (已結業)

旺角有咁多好嘢多，今次就試間新嘢，之前未食過嘅。見佢餐牌上嘅食物款式有好多選擇，主打係西餐，有牛扒豬肋骨燒春雞等等，仲有鰻魚飯海南雞等其他國家嘅菜式。今次就揀咗個鰻魚蛋包飯食，$92，有好大條鰻魚，如果同樣份量係其他餐廳食價錢一定係會過百。鰻魚肥美多汁，再加埋蛋包飯一齊食，可以中和返鰻魚嘅油膩感。另外叫咗個小食，芝心雞翼，叫任何主套餐或者main course都可以+10幾蚊就換到小食。雞翼已經拆骨，釀入芝士，所以一咬落去芝士就會爆出黎，口感豐富。