燒味滷師 (協邦大廈) (已結業)

懶得煮，決定買啲燒味加餸，上次食過燒味滷師唔錯，今日就買佢啦。晏晝黎都幾多人，燒肉、叉燒、油雞等樣樣都有人買喎。雞特價48蚊隻，半隻25真係好平呀，就要半隻雞啦。師傅好快手，等左一陣就斬好了。半隻雞雞都幾滑幾好味吖，唔係大肥雞，哈哈，都幾怕大大層脂肪個種雞。食雞唔少得嘅蔥油，如果有薑蓉就更正。仲叫多半斤叉燒，足砰㗎。叫左師傅多汁，小朋友鍾意撈叉燒汁。幾好幾好半肥瘦，有玫瑰露香味，個人覺得偏甜少少，但小朋友鍾意話好好味。買燒味，淥條菜，簡簡單單又一餐，正。