單講門口已經好靜幽幽，完全可以話係無人，又唔能夠一望入去就見到舖頭.....
行到入去只係得2個食客....成間餐廳真係可以話係無人...... 我唔係好慣食串燒有張咁高咁直嘅櫈，感覺似係食西餐多過串燒。所以單係這間舖的裝修，已讓我有種執人二灘的裝修感~
先來了是燒大蔥，本來第一口吃下去時，與我想像中的燒韮菜有些分別，而且沒有味道，不過再咬了一口蔥心，卻感到很清新~ 而且蒽肉也足夠~
之後來的燒雞皮，我形容為災難，我食開一啲傳統嘅燒雞皮又脆又香，但眼前呢條光脫脫....係有燒過，但係唔香唔脆，唉...你估我真係嚟食佢條皮咩!
至於雞軟骨就正正常常，唔係話完全乾身，算係正常過條雞皮~
呢個一口燒雞翼，我諗唔到我一口可唔可以食到.... 不過佢都總算有少少誠意將佢分開2條骨嚟燒~ 不過黑椒味唔出~
至於呢個燒尖椒，真係辣嘅~ 而且佢誠意地加左少少木魚上去，都好香嘅~ 不過感覺上得2舊...條尖椒少左啲~
我同自己餐廳再難食都好，如果司華力腸都整得唔好食，咁樣就真係太恐怖啦~ 好在呢度都算整到啲皮係脆嘅，呢個係standard! 司華力腸本來交返嚟就應該係咁，所以輕輕燒一下已經有咁嘅效果~
我去咁多度串燒，都未試過全條燒嘅茄子係可以咁難食....雖然店方好好咁提供刀俾我地，但係條茄子除左中間係熟之外..... 頭同尾都係唔熟! 最慘係面頭啲蒜茸一啲幫助都冇，咸味無....香味都無....完全負評狀態!
好彩嘅係之後店家推介的黑毛安格斯牛柳竟然意外地做得好好食! 汁燒好好食，仲要燒得唔老，中間有肉汁流出嚟，非常有肉味，做得好好啊~
我驚自己唔飽，所以叫左個冷烏冬，我唔明白點解唔放一個大啲嘅碗，完全無空間俾我撈勻啲料。
1
不過，佢有度好，就係芝麻醬充足，完全可以撈勻所有的烏冬~ 
我忍唔住叫左罐汽水，同其他串燒店唔同在，佢俾多個玻璃杯你囉~
總結：我應該唔會嚟下次，因為我坐低先發現，其實食物頗貴，這個價錢我可以到旺角的安安燒吃到好飽了~ 而且還設最底消費每人200元..... 實在令人感到恐慌~
