更多
2018-06-30
2404 瀏覽
最近睇新聞有啲感口嘆，覺得香港嘅地產霸權越嚟越嚴重，樓價高企、地價高昂，令到香港好多商戶小食店都難以經營作為一個麵包控，對於生活上所有嘅麵包都會心心眼無論係港式嘅菠蘿包、中式嘅菜肉包、定係歐美嘅牛角包都唔會放過。呢間喺佐敦渡船街嘅添嘅法式三文治已經有3，40年歷史。佢最出名嘅當然係佢嘅越式法包。其實之前一直好想黎，但係地理位置確實唔係咁方便，佐敦地鐵站行過去最少15分鐘，今日因為工作嘅緣故，我終於有機會一嚐佢最馳名嘅越南法包！門口裝修保留着80年代嘅風格，簡單嘅白底配上紅色嘅招牌，推開門，裏面係綠色嘅牆身裝修，正正係當年最潮流嘅顏色。鋪頭裝修好簡約，唔花巧，兩張細枱俾人可以堂食，餐牌都係手寫嘅。店內仲同住好多報章雜誌介紹，相信都風光一時下晝三點鐘左右，店舖得老闆一個人在場，老闆都50幾歲，好奇問老闆，老闆話佢同佢拍檔輪流經營，有時都會諗過將鋪頭搵接班人，不過依家啲後生又怕辛苦又唔想捱，所以就未搵到。講番正題，今次嚟到呢度除咗食佢最出名嘅越南法包，仲試咗佢嘅蒜蓉包同埋印尼蝦片。越式法包（大）$74唔好以為整一個越式三文治會好快，我哋由落單到攞到上手最少等10分鐘。如果你介意等嘅，咁你就去
作為一個麵包控，對於生活上所有嘅麵包都會心心眼無論係港式嘅菠蘿包、中式嘅菜肉包、定係歐美嘅牛角包都唔會放過。
呢間喺佐敦渡船街嘅添嘅法式三文治已經有3，40年歷史。佢最出名嘅當然係佢嘅越式法包。
其實之前一直好想黎，但係地理位置確實唔係咁方便，佐敦地鐵站行過去最少15分鐘，今日因為工作嘅緣故，我終於有機會一嚐佢最馳名嘅越南法包！門口裝修保留着80年代嘅風格，簡單嘅白底配上紅色嘅招牌，推開門，裏面係綠色嘅牆身裝修，正正係當年最潮流嘅顏色。鋪頭裝修好簡約，唔花巧，兩張細枱俾人可以堂食，餐牌都係手寫嘅。
店內仲同住好多報章雜誌介紹，相信都風光一時
下晝三點鐘左右，店舖得老闆一個人在場，老闆都50幾歲，好奇問老闆，老闆話佢同佢拍檔輪流經營，有時都會諗過將鋪頭搵接班人，不過依家啲後生又怕辛苦又唔想捱，所以就未搵到。
講番正題，今次嚟到呢度除咗食佢最出名嘅越南法包，仲試咗佢嘅蒜蓉包同埋印尼蝦片。越式法包（大）$74
唔好以為整一個越式三文治會好快，我哋由落單到攞到上手最少等10分鐘。如果你介意等嘅，咁你就去幫襯啲大型連鎖店好似「subway」嗰啲。呢到麵包即叫即烘，拎到上手熱辣辣老闆會問你想分幾多分。切開麵包，聽到清脆嘅聲音，麵包碎散滿一枱相比其他法包，佢呢度最優勝嘅係香脆！而且唔會淡，因為麵包本身仲搽咗啲自家制嘅醬料。裏面有扎肉、豬手、蕃茄、青瓜同埋醃蘿蔔，每樣都親手製造，工序繁複。
醃蘿蔔絲裏面其實仲放咗白色木瓜絲，老闆話咁樣會有酸有甜更加清新！豬手好腍，肉脂比例一比一，入口唔會好難咬，而且非常出味唔會太鹹。
扎肉就係叫貨返嚟，將佢薄切放入包裏面，帶出多一個味道。
茶落麵包個醬係用雞肝自己整，不過唔會腥，鹹鹹的有啲似吞拿魚醬。
不過一條大法包賣＄74問心講就真係有啲貴
香港食越南法包嘅選唔少，按性價比黎講，呢間唔會係第一（個人覺得荃灣小越廚更出色）
蒜蓉包 $9
蒜蓉包都係用法包切開一半，塗上自家製嘅蒜蓉烘制。老闆話蒜蓉係佢哋自己磨再加啲香料整出嚟。蒜蓉香得黎唔會辣，都唔會油，有少少香草味好特別。發，法包好香脆，搽咗蒜蓉都唔會比蒜蓉整到腍從來都話香港食嘢係食地租，估唔到係呢個渡船街唔起眼嘅地方，要經營小店就會將資金轉嫁比消費者。如果遲啲高鐵通車相信呢度租金更加貴嘅時候，呢度嘅歷史越南法包應該會更加貴
越南蝦片 $12
越南直送嘅蝦片，老闆喺鋪頭自己炸，一包＄12份量唔算好多，又唔算特別脆，不過不失。作為土生土長嘅香港人，見到香港不停轉變，好多值得保留嘅地方都因為地產霸權而漸漸消失，亦有好多係因為手工失傳而不再存在，其實真係有啲感嘆
張貼
