肉餅哥小炒料理 (已結業)

昨日經過荃灣探朋友。樓下就見到呢間餐廳。。好似之前無記飲食節目訪問過既。肉餅哥呢個名好有國內feel。好啦。就姑且試下。的確無令人失望喎我叫左個流心芝士肉餅。。其實老闆知唔知流心既意思？隨時放一塊蒙士係肉餅上就叫流心？勁肉餅就更加出色。應該前面加多個肥字。叫肥肉餅。我念肥豬肉佔左7成了。。而塊肉餅好明顯係一早整定。因為睇到廚房入面。幾十塊蒸好既肉餅放晒係張枱度。失望。食物唔得就算啦。問店員攞張餐紙又話無。不過可以比2元買包tempo。攞杯水又話無。咁姑寒既餐廳真係荃灣第一間囉。陰公。。仲有最不可思議係想落單叫餐飲時。一個後生女店員仲厲害到企係度一路傾電話一路用電話玩自拍。另外門口個個男店員就係門口出面食煙。收緊錢個個阿姐就去左水吧飲緊東西。咁既服務。咁既食物質素。難怪之前要穩電視台幫佢做宣傳了。救命。仲差過茶記