港嘢茶檔

營業中

休息中

喺佐敦附近諗住搵個地方食晏，上OpenRice見到呢間餐廳，印象中以前喺九龍城食過佢嘅豬膶麵，覺得唔錯，就走咗入去。睇餐牌，茶餐廳嚟講，價錢都幾貴，唔算有午市套餐，一個飯都要80幾蚊起，叫咗個豬膶麵，好似大約50蚊，唔包飲品。另外一個牛扒餐就百幾蚊，就有飲品跟。牛扒餐就係以前嘅港式西餐，都係鬆肉粉牛扒，不過質素又唔算太差，而且份量勁大。豬膶麵啲豬膶係厚切，份量都幾多，配上出前一丁，勁飽。其實食物質素都可以，不過定價就比較高，而且要搭枱，因為佢係長枱為主。坐得唔算舒服。如果講午市同埋晚市未必會回頭，因為性價比實在唔高，早餐下午茶可能再試吓。