紅磡冰室 (已結業)

今日中午去咗近期新開張的紅磡冰室吃午餐，內裏裝修不錯，掛了多個電子板顯示各款食品，令客人一目了然，餐牌圖片亦製作得頗為精美。

食物款式多，樣樣都很吸引，最終選了常餐B，香煎豬扒撈公仔麵配西煎雙蛋及牛油多士。

西煎雙蛋配牛油多士

香煎豬扒撈公仔麵

多士頗厚身，有兩大片，好抵食，加埋雙蛋，吃完已經半飽。而最驚喜的是那一碟「香煎豬扒撈公仔麵」，豬扒大大塊，比手掌還大，差不多蓋過整碟麵，而且煎得外脆內軟，帶少許肥，肉質唔嚡口，公仔麵麵質爽口，軟硬適中，用瑞士汁撈過，味道帶點甜，易入口，不知不覺就KO了整碟麵，感覺非常滿足，有機會一定要試埋其他款式。