Cruce

營業中

休息中

今晚嚟到Cruce試咗幾道心水菜式，真係好有驚喜！😋🌊 頭盤 – 海膽西班牙薯蛋餅呢個小食擺盤簡約，兩件厚身薯蛋餅上面舖滿creamy海膽，仲有啲黑魚子加分✨。薯蛋餅食落暖笠笠，口感鬆軟，蛋香濃郁，海膽味道鮮甜，完全唔會腥，配埋微微鹹香嘅魚子，好開胃。🦐 西班牙蒜油紅蝦 – 阿根廷刺身大蝦主角一定係呢碟阿根廷刺身大蝦！🍤上枱香氣已經超誘人，蝦肉爽彈又入味，仲帶淡淡蒜香同微辣，啖啖肉好juicy，完全停唔到口。嗰啲橙紅色橄欖油混合咗辣椒粒、蒜片，濃郁又唔覺膩。🍚 龍蝦海鮮西班牙燉飯最後上場嘅重頭戲就係龍蝦Paella！米飯煮得啱啱好，粒粒分明，吸收哂海鮮同番紅花嘅香氣。中間擺咗半隻龍蝦，肉質嫩滑，食落鮮甜彈牙，旁邊有青口同蜆，味道好豐富。飯面仲點咗啲香草醬同蒜泥醬，撈埋一齊層次感好豐富。✨ 整體感想成餐飯食落滿足感十足！😌 龍蝦同阿根廷大蝦絕對係必點，海膽薯蛋餅都值得一試。環境寧靜，服務細心，食物上枱速度都快。