金所

金所喺大角嘴嘅時候已經好想去食，而家中環期間限定pop-up store就更加就腳。每朝由8:30開始營業，聽講未到中午已經有某啲刺身賣晒。所以平日放假都特登早啲起身去食。

當日十一點半嚟到，門外未見人龍，店員話中落 (1-8號)只剩一份。晏咗都食到最後一份，近排係有啲運氣

中落ち、鮪魚蓉、大toro、中toro丼

$268

4號海鮮丼有中落、大toro、中toro同鮪魚蓉。吞拿魚係無經過急凍，喺冰鮮狀態下由豐洲直送香港，聽到都覺得新鮮。而且色澤天然，呈暗紅色，睇落都知好味中落係魚骨位嘅肉，較少喺香港食到。魚肉係用匙羹刮出嚟，所以細細片，口感柔軟細嫩，鮮味十足。

中落ち、鮪魚蓉、大toro、中toro丼

$268

大toro同中toro各有兩片，兩者都油脂非常豐富，魚油味濃郁但大toro有少少筋，有啲失望。

赤身、鮪魚蓉、帆立貝、甜甘蝦丼

$168

另一碗係12號海鮮丼，包括赤身、鮪魚蓉、帆立貝同甜蝦。鮪魚蓉入口滑溜撈飯食好正帆立貝厚肉又大隻，帆立貝同甜蝦好鮮甜

赤身、鮪魚蓉、帆立貝、甜甘蝦丼

$168

赤身呈鮮紅色帶光澤，雖然唔及中toro同大toro咁多魚油，但肉質實有咬口。


喺香港都食到同豐洲市場一樣咁新鮮嘅吞拿魚，而家無得去日本旅行，嚟金所食海鮮丼頂下癮都好滿足