我哋今次嚟到海之戀商場「譚魚頭火鍋」，一入門口就聞到陣陣香濃番茄鍋味，仲有種莫名開運感覺🥰無錯！呢度唔止打邊爐，仲玩埋風水儀式，食個魚頭可以「鴻運當頭」😍
我哋點咗鴛鴦鍋底😛一邊係蕃茄濃湯🍅酸甜開胃，另一邊係招牌麻辣鍋底🌶️香得嚟唔會死辣，聽講係29年老配方，真係名不虛傳！個湯底仲係用德灶單鍋炒製，風水師都話係「水火相生」🔥食完成家行好運🌟
爸爸話呢個鍋底唔會太膩，涮肉涮菜都夾到震！跟住重點嚟啦！盡魚頭同魚滑！
魚頭真係每日新鮮運送到店，唔係雪藏貨，肉質鮮甜到不得了😛食嘅時候跟足餐廳儀式！魚頭對住我，寓意「鴻運當頭」❤️食魚頭步驟都好講究！先食魚唇，嫩滑到好似食緊豆腐咁，代表「人緣爆棚」💞再食魚腦，補腦又補運💖
安格斯牛肉油花均勻，輕輕一涮就食得，肉味濃又唔韌😛響鈴卷吸盡番茄湯，脆中帶軟，正！娃娃菜同金針菇新鮮爽口，最後加埋手打魚滑，彈牙又鮮味，完全係成都直送風味！
1
