東輝粥麵餐廳 (已結業)

食晏時間見到裡面無乜人就試下，我地3個大人1個B，坐底叫左3碗魚旦面加1杯凍飲，個伙計仲同我地講野飲加$8，我地話暫時唔需要。個伙計果頭放低張單，轉頭就突然間拎走，再放低之後就將凍飲$11改左做$21 我地即時問點解，個伙計就不斷話係無優惠無優惠，完全唔明發生咩事！跟住一個疑似老細嘅人就開聲話：「你解釋咁多做乜！叫左你唔洗講，寫完放低走開就得啦！」WTx！我地不斷叫返個伙計問究竟咩事，問極都無人應，終於要用重啲嘅語氣問先行埋黎話「大小同價，每人收費最低$17」！真係相象唔到bb都要收錢！仲要即刻幾個伙計走埋黎圍住我地！頭先叫極又無人應查實你地真係要揸正黎做都算，最差係話洗乜解釋咁多，就咁改左去就得啦！我地係消費者都無權知咩？！呢間正宗誤人寺！各位如果有小朋友真係唔好考慮！唔係盞食到一肚氣