Papa Joe (已結業)

話說呢排俾我發現諾士佛台開咗間新嘅西餐廳，係食西班牙菜式既，一直都想去試吓咁啱今日星期六得閒就gogogo啦🤩🤩🤩通常放假慣咗食早飯，所以去到餐廳其實都係六點半，但係已經有三四枱客人啦，餐廳嘅環境都幾有氣氛，因為好情調，每張枱都有個蠟燭🕯️好有feel既由於兩個人嘅關係，侍應安排左係一個角落頭度座，當中發生咗啲小插曲，就係有曱甴，嚇死我呀，即刻掉位之後就嗌嘢食啦，我哋帶咗個牛腹扒，三文魚扒同埋鐵板烤雞配薄餅個牛腹扒比我想像中細份，但係又比我想像中好味，因為我叫咗五成熟，上枱既時候都真係五成熟呀，啲肉係粉紅色㗎至於個三文魚扒就普通既，三文魚扒下面有好多豆，酸酸咪咪既雜豆都幾好食最後個鐵板烤雞係好味既，烤雞下面有好多洋蔥蘑菇青椒伴碟🤪🤪🤪再配埋三款醬汁，有番茄，有牛油果，同埋cream，夾埋墨西哥薄餅食，正正正！呢度仲有love band添架🤪🤪🤪