108
12
10
等級8
2015-02-15 3982 瀏覽
早前分享咗8/F「至尊重慶雞煲」嘅食記,依次就分享埋晌上面18/F「BBQ Military」嘅韓燒飲食體驗。一出電梯,已經感受到「軍事重地」嘅氣氛,不過,一啲都唔凝重,絕無打杖嘅感覺,反而有份喜樂同開心,因為,幾幅壁畫,細心睇,有點幽默抵死。除咗門口有唔少軍事裝備外,如軍帽、頭盔、沙包、鐵剷、軍用電話機……等等,內裡就有更多「展品」,鐵絲網、望遠鏡、眼罩、假槍、避彈衣……真喺有排細數,最抵死喺枱上嘅「茶壺」喺士兵用嘅款式,好似返咗去細個玩童軍嘅年代。雖然小弟唔喺咩軍事迷,但睇見一樣覺得過癮,再者,所有侍應都著上迷彩軍服,唔單止型,仲好配合個場。餐廳佔18/F全層,所以,個場好大,又闊又深,起碼可以坐到二、三百幾人。餐廳單邊全喺落地玻璃,因為居高臨下,而周邊大多數都喺矮細舊唐樓,所以,景觀幾開揚,入夜後,對住晒荃灣啲舊樓天台景,另一番風情。裝修簡單,水泥地現天花大光燈,燒烤枱及座位如一般韓燒格局,圓櫈揭開面蓋可以放袋、放雜物,慳位方便。而抽煙系統採用上吸式,抽風口又可以拉高拉低,效果挺好,食到尾離開,都唔會一身油煙味,絕無尷尬。食中菜成日被為人詬病就喺又茶芥、又小食,一圍人分分鐘百幾蚊
更多
早前分享咗8/F「至尊重慶雞煲」嘅食記,依次就分享埋晌上面18/F「BBQ Military」嘅韓燒飲食體驗。一出電梯,已經感受到「軍事重地」嘅氣氛,不過,一啲都唔凝重,絕無打杖嘅感覺,反而有份喜樂同開心,因為,幾幅壁畫,細心睇,有點幽默抵死
99 瀏覽
0 讚好
0 留言
除咗門口有唔少軍事裝備外,如軍帽、頭盔、沙包、鐵剷、軍用電話機……等等,內裡就有更多「展品」,鐵絲網、望遠鏡、眼罩、假槍、避彈衣……真喺有排細數,最抵死喺枱上嘅「茶壺」喺士兵用嘅款式,好似返咗去細個玩童軍嘅年代。雖然小弟唔喺咩軍事迷,但睇見一樣覺得過癮
,再者,所有侍應都著上迷彩軍服,唔單止型,仲好配合個場。
83 瀏覽
0 讚好
0 留言
75 瀏覽
0 讚好
0 留言
85 瀏覽
0 讚好
0 留言
50 瀏覽
0 讚好
0 留言
餐廳佔18/F全層,所以,個場好大,又闊又深,起碼可以坐到二、三百幾人。餐廳單邊全喺落地玻璃,因為居高臨下,而周邊大多數都喺矮細舊唐樓,所以,景觀幾開揚,入夜後,對住晒荃灣啲舊樓天台景,另一番風情。裝修簡單,水泥地現天花大光燈,燒烤枱及座位如一般韓燒格局,圓櫈揭開面蓋可以放袋、放雜物,慳位方便。而抽煙系統採用上吸式,抽風口又可以拉高拉低,效果挺好,食到尾離開,都唔會一身油煙味,絕無尷尬
104 瀏覽
0 讚好
0 留言
82 瀏覽
0 讚好
0 留言
57 瀏覽
0 讚好
0 留言
食中菜成日被為人詬病就喺又茶芥、又小食,一圍人分分鐘百幾蚊,可謂「未見官先打八十」;有朋友就特別鍾情韓國菜,因為,前菜既好食,花款多,又有特色,有啲鋪頭仲可以免費添加。就好似BBQ Military咁,都未點菜咋,已經先嚟一人一份「前菜」,有醬油凍豆腐、洋蔥生菜絲、冬菇、韓式泡菜及蘿蔔絲。凍豆腐超嫩滑、冬菇很有菇香、泡菜辛辣惹味
。每人有咁大份,竟然仲可以免費任添,本來我哋想話要多少少泡菜同冬菇就夠,點知毫不手緊嚟咗3大兜
,真喺誠意十足。
前菜:醬油凍豆腐、洋蔥生菜絲、冬菇、韓式泡菜及蘿蔔絲。
101 瀏覽
0 讚好
0 留言
前菜,可免費添加。
46 瀏覽
0 讚好
0 留言
食韓燒,燒嘅大部份都喺肉,所以,更會附送一兜生菜,用嚟夾埋啲肉一齊食,減低油膩之餘,亦令個味道清爽啲。生菜亦喺任添,外面有啲一喺要俾錢,一喺就只有免費加添一次,晌依度就感到店家疏爽。另外,亦供應一小碟麵豉醬及青辣椒為佐料,加咗可以令肉味更突出。而小弟就更鍾意晌生菜之上,又肉又生菜絲、蘿蔔絲,味道更豐富。
佐料:麵豉醬及青辣椒。
65 瀏覽
0 讚好
0 留言
順帶先介紹吓有咩飲,韓國真露、日本清酒、啤酒……選擇多多,不過,酒類唔喺太啱我哋,汽水又略嫌普通,所以,大家都一致揀咗啲韓國果汁,共有3款味道:桃、提子及梨($20罐),除咗味道清怡,感覺天然,原來仲有少少果肉,值得一試!就算唔點嘢飲,軍用水壺內嘅小麥茶,同樣冰涼解渴
428 瀏覽
0 讚好
0 留言
393 瀏覽
0 讚好
0 留言
韓國果汁(桃、提子及梨味)
$20
80 瀏覽
0 讚好
0 留言
小麥茶
89 瀏覽
0 讚好
0 留言
以「軍事」作為餐廳環境主題,已算喺成功吸晴,不過,一間店成功與否,還看食物質素。雖然,上文講過燒嘅大部份都喺肉類,但花款真多,淨喺豬肉,梅頭、五花腩、排骨、豬頸肉、烤豬腸、烤豬皮、豬柳……等等多款,仲有牛肉類、特選類(濟洲黑毛豬、鮑魚)、雞/鴨類、海鮮類,所以,單單可供燒烤嘅選擇就近50款
,貨源嚟自世界各地。
442 瀏覽
0 讚好
0 留言
755 瀏覽
1 讚好
0 留言
893 瀏覽
0 讚好
0 留言
743 瀏覽
0 讚好
0 留言
730 瀏覽
0 讚好
0 留言
此外,唔想成晚淨喺得個「燒」字,仲有湯類、煎餅、餃子、湯飯及飯麵等墊肚之選。雖然,好多都未有機會試,但餐牌內所有菜式,都圖文並茂,睇見啲相都已經好吸引。
699 瀏覽
0 讚好
0 留言
832 瀏覽
1 讚好
0 留言
烤豬皮 $78 / 150g

依個喺朋友一心一意想試嘅菜式,想一嚐烤豬皮喺點樣,我哋樂意奉陪。一客有3片,平平滑滑嘅豬皮,無半點肥膏,經燒烤成金黃半透明狀,入口煙韌有咬口,沾點黃豆粉,口感無咁油膩,當為送酒啤嘅小食會喺唔錯嘅配搭。據說能有效補充骨膠原,真假與否,都不妨一試。
烤豬皮
$78
56 瀏覽
0 讚好
0 留言
烤豬皮
56 瀏覽
0 讚好
0 留言
濟洲島黑毛豬面青肉 $138 / 150g

兩年幾前同屋企人去過一趟濟洲,知道當地嘅黑毛豬好出名,不過,因為大家當時疑晌慶州食錯嘢,抱恙咗幾日,所以,跟黑毛豬緣慳一面,故此今晚就點一客平平哋嘅黑毛豬面青肉試試。豬面青肉色澤鮮紅,被裁成小件,容易燒烤,絲絲油脂平均散落肉面,燒好之後,侍應又幫我哋剪成為一口一件,細心妥貼,肉質好嫩滑,很有豬肉味
,小弟就喜歡蘸少少蒜油,令肉味更香濃。
濟洲島黑毛豬面青肉
$138
72 瀏覽
0 讚好
0 留言
濟洲島黑毛豬面青肉
36 瀏覽
0 讚好
0 留言
烤牛排骨(調味) $198 / 350g

牛排骨已講明已調味,所以,色澤帶啡。每條牛排骨薄切後再捲好,肉面鎅好花,賣相變得份外吸引,而一客有兩件,每件攤番長其實都好大件。牛排骨唔使燒得太熟,加上本身帶點油脂,所以,好快有得食,兼且入口軟腍富肉味,又夠肉汁,配合生菜、少少麵豉醬、洋蔥絲……等等,味道實在一流
烤牛排骨
$198
61 瀏覽
0 讚好
0 留言
烤牛排骨
41 瀏覽
0 讚好
0 留言
烤牛排骨
35 瀏覽
0 讚好
0 留言
每碟肉類都添加少少雞脾菇作為配菜,燒香後,軟腍爽口,幾好食架!順帶一提,侍應都樂意幫客人燒烤所有食物,當然,如你喜歡自己動手燒,絕不成問題,但遇有一啲特別部位,大可請教佢哋。此外,佢哋唔似舊式啲龜背烤板,要落油嚟減低黐板,所以,基本上燒一轉嘢就會幫你換板,換板次數相當之密
,真喺依啲服務功夫絕無偷懶,抵貼士都俾多少少。
38 瀏覽
0 讚好
0 留言
40 瀏覽
0 讚好
0 留言
51 瀏覽
0 讚好
0 留言
烤什錦海鮮 $358

見隔離枱嘅海鮮幾新鮮吸引,又好似樣樣想試,所以,索性揀個「烤什錦海鮮」,有齊大明蝦、鮮帶子、生蠔、鮑魚、魷魚、蟶子、大花甲,陣容鼎盛
。當我哋唔知從何入手點燒好,侍應即刻幫手為我哋解決煩惱。佢將個烤板放好後,我同佢講喺咪倒轉咗,原來倒轉喺有原因,目的喺防止海鮮燒烤時滲出嘅水份漏出嚟,真喺受教了
烤什錦海鮮
$358
66 瀏覽
0 讚好
0 留言
34 瀏覽
0 讚好
0 留言
不單幫忙擺好燒烤陣勢,仲幫我哋全程搞掂,唔使我哋雞手鴨腳,認真窩心,燒好嘅食物,會先放晌烤板邊熱住,等你慢慢食,然則再將其他食材調位繼續燒。所有食材都喺新鮮貨色,所以,鮮甜味十足
,當中嘅大蝦、帶子、蟶子爽口彈牙,鮑魚有咬口,魷魚軟綿,唔會入口成舊擦紙膠咁,而生蠔蠔味足,又夾著少少海水嘅鹹鮮
。最緊要有侍應幫手,先至令啲食材燒得啱啱好,仲有留意到,佢哋不時都調校個火力,如果自己燒番,好玩就好玩,但味道上可以要打個折扣囉。
烤什錦海鮮
45 瀏覽
0 讚好
0 留言
烤什錦海鮮
34 瀏覽
0 讚好
0 留言
烤什錦海鮮
33 瀏覽
0 讚好
0 留言
烤什錦海鮮
37 瀏覽
0 讚好
0 留言
烤什錦海鮮
35 瀏覽
0 讚好
0 留言
煎餃 $48

淨喺燒肉、燒海鮮,要食到飽消費會有點高,所以,尾段加啲墊肚嘢,既可食得經濟啲,又可以試到師傅喺其他菜式上嘅手勢。先嚟一客煎餃,共有6隻,煎得金香,唔太油,餃皮薄而脆,肉餡跟菜嘅比例平均,唔錯。
煎餃
$48
34 瀏覽
0 讚好
0 留言
煎海鮮蔥餅 $78

煎餅晌濟洲幾經常食到,店家有兩款口味:煎海鮮蔥餅及煎泡菜餅,因為前菜都食咗唔少泡菜,所以,我哋揀前者。韓式煎餅質感比較粉,有啲似「糕」嘅感覺,煎餅裡有好多海鮮料,如蝦仁、魷魚,其實,煎得幾香口,味道不俗。
煎海鮮蔥餅
$78
30 瀏覽
0 讚好
0 留言
煎海鮮蔥餅
29 瀏覽
0 讚好
0 留言
雖然又煎餃,又煎餅,但一講到甜品,女士果真有第二個胃。餐牌內本身有一款甜品「半乾柿」,好似幾有特色,又未食過,可惜貼住「Sold Out」二字
,幸而仲有一個甜品餐牌,寫明由韓國直送嘅凍餅,一共有5款味道:甜蕃薯果仁蛋糕、朱古力碎蛋糕、紅莓芝士蛋糕、特濃朱古力果仁蛋糕及熱情果慕絲蛋糕,款款特價做緊$32
514 瀏覽
0 讚好
0 留言
紐約芝士蛋糕、朱古力慕絲蛋糕、熱情果慕絲蛋糕

果然韓國直送,直頭原裝連埋包裝膠盒由韓國空運過嚟。不過,味道跟餐牌有少少出入,紐約芝士蛋糕應該喺無加入紅莓醬,而且,用個銀盤裝起嚟硬喺差少少美感。不過,3款蛋糕都絕對有水準,尤其件熱情果慕絲蛋糕,一來無想像咁酸,二來慕絲做得幼滑非常,海綿蛋糕好軟綿
紐約芝士蛋糕、朱古力慕絲蛋糕、熱情果慕絲蛋糕
$32
67 瀏覽
0 讚好
0 留言
紐約芝士蛋糕、朱古力慕絲蛋糕、熱情果慕絲蛋糕
50 瀏覽
0 讚好
0 留言
熱情果慕絲蛋糕
45 瀏覽
0 讚好
0 留言
熱情果慕絲蛋糕
51 瀏覽
1 讚好
0 留言
餐後見唔少人晌近門口個遊戲區不時傳來槍聲玩緊射擊,喺免費任玩,不過,我哋幾個朋友就寧願傾吓偈,但見唔少細路仔玩得異常開心。
64 瀏覽
0 讚好
0 留言
153 瀏覽
1 讚好
0 留言
如果想攞多點著數,又喺屬於夜鬼一族,不妨10:00pm後嚟幫襯,全單八折
,食得更划算、更盡興
94 瀏覽
0 讚好
0 留言
食材及服務質素皆做得好,唔怪得咁爆場,離開時仍然見唔少人等位,確喺近來值得推介嘅餐廳之一!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
等候時間
15 分鐘 (堂食)
人均消費
$250 (晚餐)
推介美食
前菜:醬油凍豆腐、洋蔥生菜絲、冬菇、韓式泡菜及蘿蔔絲。
韓國果汁(桃、提子及梨味)
$ 20
濟洲島黑毛豬面青肉
$ 138
烤牛排骨
$ 198
烤什錦海鮮
$ 358
紐約芝士蛋糕、朱古力慕絲蛋糕、熱情果慕絲蛋糕
$ 32