潮館 (元朗廣場)

營業中

休息中

相老友敍舊，佢湊住阿B，所以入黎元朗食就佢。七點鐘入座，唔駛等位。兩人談天說地，講多過食。 叫左滷水拼盤 - 樣樣有啲，都幾入味，咸左啲。凍烏頭魚 - 好鮮味。伴有一碟豆醬，好咸但好味。唔點豆醬夠原味，點少少，好少既豆醬又夠惹味。魚尾有個標籤，原來係來自元朗楊氏既烏頭。應該質素有保證啲？！川椒雞 - 黎到時「吱吱」聲，原來係用鐵板上，第一次食鐵板上既川椒雞。好熱、好好味、仲勁多汁。呢個好驚喜，大推。唯一缺點係太少綠色嗰啲葉，我好鍾意食架喎！食左兩個半鐘，食到人地宵夜時段開始，哈哈。原來宵夜時段入坐，打冷有六折！