花楽 (翩滙坊) (已結業)

終於喺將軍澳搵到間唔錯日本菜，環境舒服開陽，面向將軍澳海旁，食物新鮮有誠意，每樣食物都製作精美，職員服務態度好。燒手羽拼黑豚肉稻庭烏冬$98烏冬分量十足，雞翼煎到金黃，估唔到下午茶都咁大份，可以當做午餐。花樂北海井$198極力推介，裏面有三文魚片、蝦、海膽、蟹肉、蟹膏及吞拿魚溶，淨係賣相已經好吸引，底下嘅飯仲加咗紫菜碎同芝麻，用心製作，誠意十足。藍莓果粒花茶加$28下午茶餐加$28 ，櫻花粉茶具，茶味清香撲鼻，另外仲有蜜糖可以調味。三文魚腩切兩件$21帆立貝一本$27.5大拖羅壽司$44日本海膽軍艦$44三文魚子軍艦$19日本牡丹蝦壽司$39壽司同刺身都好新鮮，特別推介海膽軍艦同大拖羅，因為星期一至五，指定壽司刺身有半價優惠，三文魚壽司低至$8件。見到人哋有個好靚嘅high tea鳥籠，原來係二人套餐下午茶set，上面放咗壽司同刺身，打卡勁靚，下次一定要試吓。整體而言唔錯，高質素嘅日本菜，食物好有誠意，製作用心，環境舒適，值得一試。