時新漢堡飽 (已結業)

早幾日有個朋友帶我去食第一間港式漢堡包店，雖然我哋只係叫咗幾款嘢食，但全部都好有驚喜門口嘅紅色招牌好搶眼生果沙律，用新鮮生果整成嘅生果沙律零舍好味，全部係生果並沒有加薯仔，味道清新，口感好清爽單層豬肉漢堡配芝士加火腿，夾係中間嘅並唔係一般外面食到嘅一塊煎豬扒，而係已經調味嘅免治豬肉扒，誠意滿分火腿再配埋半溶嘅芝士，所有配料加埋一齊真係好好味呀雙層牛肉漢堡配芝士加蛋，呢個漢堡真係好大個、好厚，成個漢堡太高，令我實在冇辦法一啖咬到成個麵包佢嘅兩塊免治牛肉扒好重牛肉味、好足料，半溶嘅芝士加埋蛋，真係好有飽肚大食人士首推之選麵包真係好鬆軟，你用手㩒個麵包，佢會好似記憶海綿咁回彈㗎好有彈性所有漢堡原本配時新醬，即係舖頭嘅秘製沙律醬，但亦可以改轉黑椒汁、茄汁、咖喱汁或者唔要醬汁。我當然係要試吓時新醬啦！佢嘅時新醬好好味、酸酸甜甜，看似普通嘅沙律醬其實細看會見到好似洋蔥等嘅小配料，漢堡配上呢個秘製而又多到滿瀉嘅時新醬真係好惹味炸洋蔥圈配時新醬，炸漿好香脆，洋蔥好甜、好厚肉，口感一流，配埋時新醬簡直冇得彈。我覺得無論鐘意醬汁與否嘅人都一定要叫黎試吓紅豆冰，份量好足，紅豆大大粒、粒粒分明、好香、好甜正