至尊滿屋日本料理 (已結業)

今日同男朋友去左旺角食放題，我男朋友個同事介紹咗佢去一間喺瓊華中心7樓叫至尊滿屋嘅放題，佢話同事誠心推薦，所以我哋就去咗試吓！一去到，都好多人已經食緊，好彩我哋有book位唔使等位，座位都坐得幾舒服，唔錯👍🏻一去到就梗係要叫咗啲刺身先啦，三文魚真係超新鮮呀，仲要超厚切，深海大赤蝦刺身真係要推薦大家食，超鮮甜超美味😋蜜糖芥末三文魚腩壽司都好好味，三文魚腩都幾靚，加埋啲蜜糖芥茉醬，又真係幾好味😊蟹籽沙律就係我嘅最愛啦，沙律份量唔多，細細地，幾啱我哋啲女仔食，仲要超足料超多蟹籽同蟹柳！燒菠蘿同燒翠玉瓜都唔錯架，夠晒入味，燒菠蘿仲要好甜，好多汁！鹽燒海蝦都要介紹大家食，因為蝦肉真係幾爽口，又夠大隻，鹹味十足！牛油炒粟米呢個一定係放題必點，好香好香嘅牛油味，份量適中👍🏻最後佢會送上甜品，我想講呢個甜品非常之有誠意，因為係Haagen-Dazs同movenpick !我就選擇左士多啤梨味啦，呢個經典味實在太正，無法抗拒！呢間放題誠意太高，我下次都會再嚟食過！